BJZQ fılıalyna nemese Qordyń saıty arqyly ótinish berýi qajet.
Biryńǵaı jınaqtaýshy zeınetaqy qory (BJZQ) 2023 jyly kimniń tólem alýǵa quqyly ekenin aıtty, dep habarlaıdy Almaty-akshamy.kz
2023 jylǵy 1 qańtardan bastap BJZQ-dan belgilengen keste boıynsha mindetti zeınetaqy jarnalary jáne mindetti kásiptik zeınetaqy jarnalary esebinen zeınetaqy tólemderin alýǵa mynalar quqyly:
áıelder 61 jasqa tolǵan kezde (bul jas shegi 2028 jylǵa deıin jaramdy);
erler 63 jasqa tolǵanda;
eger múgedektik merzimsiz belgilense, birinshi nemese ekinshi toptaǵy múgedektigi barlar.
Bul bazalyq jáne birtutas BJZQ esebinen qarjylandyrylatyn, memlekettik zeınetaqyny qamtıtyn tólemderdi taǵaıyndaý úshin jasy boıynsha zeınetkerlerge «Azamattarǵa arnalǵan úkimet» memlekettik korporasıasynyń bólimshelerine bir ótinishpen jáne qujattar paketimen júginý jetkilikti.
Birinshi nemese ekinshi toptaǵy múgedektigi barlar BJZQ fılıalyna nemese Qordyń saıty arqyly ótinish berýi qajet.
Jeke kabınetten «Qyzmetter» bólimin tańdaý kerek. Ári qaraı «Zeınetaqy tólemderin taǵaıyndaýǵa ótinish berý». Onda siz qajet qujattardyń tolyq tizimin taba alasyz.
BJZQ-dan zeınetaqy tólemderi ótinish bergen kúnnen bastap belgilenedi jáne zeınetaqy jınaqtary taýsylǵanǵa deıin júrgiziledi.
Bul rette zeınetaqy tóleýge ótinish bergen kún:
Zeınetkerlik jasqa tolǵan alýshylar úshin – ótinish Memlekettik korporasıada tirkelgen kún nemese BJZQ-dan zeınetaqy tólemderine quqyq týyndaǵan kún;
Birinshi nemese ekinshi toptaǵy múgedektigi bar alýshylar úshin BJZQ qujattardy jetkizgen nemese qabyldaǵan kúni.