Geosaıası jáne ekonomıkalyq syn-qaterlermen betpe-bet keldi.
Qazaqstan Prezıdenti Qasym-Jomart Toqaev Joǵary Eýrazıalyq ekonomıkalyq keńesiniń otyrysynda bıylǵy jyl álemdik ekonomıka úshin óte aýyr jyl bolǵanyn aıtty, dep habarlaıdy Almaty-akshamy.kz Egemen.kz silteme jasap.
Prezıdent jeltoqsan aıyndaǵy kezdesýlerde dástúrli túrde birlesken jumysty qorytyndylap, aldaǵy kezeńde atqaratyn mindetterdiń aıqyndalatynyn aıtty.
«Bıyl álemdik ekonomıka úshin óte aýyr jyl boldy. Halyqaralyq qoǵamdastyq pandemıa zardabynan aıyǵyp úlgermeı jatyp, jańa geosaıası jáne ekonomıkalyq syn-qaterlermen betpe-bet keldi», - dedi Memleket basshysy.
Sondaı-aq Qasym-Jomart Kemeluly búginde álemdegi saýda-sattyqty aıtarlyqtaı shekteıtin túrli tyıymdar, kvotalar men baj salyqtary engizilip jatqanyna da toqtaldy.
«EAEO aıasyndaǵy yntymaqtastyǵymyz jahandyq úrdisterden erekshelenetini keleshekke senim uıalatady. Syrtqy faktorlardyń qysymyna qaramastan, Qazaqstannyń EAEO-ǵa múshe eldermen taýar aınalymy qańtar-qazan aılarynda 7 paıyzǵa ósip, 23 mıllıard dollarǵa jetti. Birlesken aýqymdy jobalar júzege asyrylyp jatyr», - dedi Qasym-Jomart Toqaev.