Almaty qalasy Alataý aýdanynyń 26 kóshesi 2021 jyly jóndeledi. Bul týraly Óńirlik komýnıkasıalar qyzmetiniń baspasóz konferensıasy kezinde Alataý aýdanynyń ákimi Azamat Qaldybekov málimdedi, dep habarlaıdy almaty-akshamy.kz
«Bizdiń jumysymyzdyń negizgi baǵyttarynyń biri – avtokólik ınfraqurylymyn damytý. Aýdanda Samǵaý, Ójet, Shańyraq-5 jáne Alǵabas shaǵynaýdandarynda jańa joldardyń qurylysy bastaldy», - dedi Azamat Qaldybekov.
26 kósheniń 45 shaqyrym jolyn jóndeý josparlanǵan. Sonyń ishinde, negizgi kóshelerdiń boıynda: Soltústik aınalma jol 2,1 shaqyrym (Bókeıhanovtan Jumabaev kóshesine deıin), Rysqulov dańǵyly 1,8 shaqyrym (Saıynnan Emsovke deıin), Rysqulov dańǵyly 2 shaqyrym (Emsovten Kúderınge deıin), Buryndaı 2 km (Shoseınaıa kóshesinen Buryndaı kóshesine deıin), Emsov 0,3 shaqyrym (Raıymbek dańǵylynan Rysqulov-Emsovke deıin). Barlyǵy 8,4 shaqyrym negizgi kósheler jóndeledi.
«Ortasha jóndeý 36 shaqyrymnan astam jerde júrgiziledi. Bul Samǵaý, Tomırıs, Darhan, Kók-Qaınar, Ójet, Saıaly, Zerdeli, 13-aýmaq, Alǵabas, Bolashaq jáne Boraldaı shaǵynaýdandarynda ornalasqan aýdandyq jáne jergilikti mańyzy bar kósheler», - dedi aýdan ákimi.
Búginde 7 kóshede: Serikov, Kishi Móńke bı, Jańaarqa, Taıqazan, Halıfa Altaı, Karpaskaıa jáne ST «Radýga» joldardy ortasha jóndeý boıynsha jumystar aıaqtaldy.
Alataý aýdanynyń ákimi qazirgi ýaqytta aýdannyń jaryqtandyrylýy 85%-ǵa jetkenin, ıaǵnı 620 kóshe jaryqtanǵanyn, 38 105 jaryq núktesi ornatylǵanyn atap ótti.
A. Qaldybekov ótken jyly 413 kóshege 19 471 jaryq dıodty shamdar ornatylǵanyn eske saldy. Bıyl 515 kóshege qosymsha jaryqtandyrylady. Osylaısha, jyl sońyna deıin aýdannyń jaryqtanýy 100% bolady.