Bıyl 8 aıda elimizde balaǵa qysym kórsetýdiń 237 jaǵdaıy tirkeldi, - dep habarlaıdy Aqshamnews.kz tilshisi 24.kz-ke silteme jasap.
Onyń ishinde 219 is sot jáne quzyrly organdarda qaraldy. Quqyqtyq statısıkaǵa úńilsek, býllıng jasaǵandardyń 45 paıyzy 12 men 16 jas aralyǵyndaǵy oqýshylar. Qalǵany jasóspirimder men eresekterdiń tarapynan kórsetilgen álimjettik eken. 88 isti sot jáne ózge de ókiletti organdar toqtatqan.
Sonymen qatar, 87 jaǵdaıda ata-analarǵa eskertý jasaldy. Qańtar-tamyz aralyǵynda 131 adam býllıngke qatysty ákimshilik jaýapkershilikke tartylypty. 44 iske qatysty aıyppul salynǵan. Aıta ketý kerek, ákimshilik kodekstiń 127 baby, ekinshi tarmaǵyna sáıkes, balaǵa birinshi ret qysym kórsetkeni úshin 10 aılyq eseptik kórsetkish, ıaǵnı 39 myń teńgeden astam aıyppul taǵaıyndalady. Eger bul jaǵdaı qaıtalansa, onda aıyppul mólsheri eselenip, 118 myń teńgege deıin jetýi múmkin. Jalpy, bıyl býllıng úshin 1 mln 655 myń teńgeniń aıyppuly taǵaıyndalǵan eken. Onyń 1 mln teńgeden astamy osy ýaqytqa deıin óndirildi.