Tótenshe jaǵdaılar mınıstri Iýrıı Ilın sýǵa batqandar jaıly sońǵy málimetterdi bólisti, dep habarlaıdy Almaty-akshamy.kz.
«Ótken jyly sýǵa batqandar sany 43%-ǵa azaıǵanymen, ókinishke qaraı, jaǵdaı jaqsarmaı tur. Sońǵy 3 jylda 1 myńnan astam adam sýda qaza boldy (1103 eresek, 321 bala). Jyl basynan beri elimizdiń sý aıdyndarynda 69 adam qutqaryldy, onyń ishinde 15-i - bala, shomylý maýsymy bastalǵannan beri 11 eresek, onyń ishinde 2-eýi - bala. Bul rette 45 adam sýǵa ketip qaza boldy, onyń ishinde 14 kámeletke tolmaǵan bala bar. Sýǵa batqandardyń eń kóbi Aqtóbe, Abaı jáne Qostanaı oblystarynda», - dedi Iýrıı Ilın Úkimet otyrysynda.
Mınıstrdiń aıtýynsha, sýǵa ketý qaıǵyly oqıǵasynyń negizgi sebepteri - jabdyqtalmaǵan oryndarda shomylý.
Sonymen qatar eresekterdiń balalardy qaraýsyz qaldyrýy, mas kúıde jáne shamasyn baǵalamaı sýǵa túsý de - osyǵan sebep.
«Álıhan Asqanuly, bıyl naýryz aıynda sýǵa shomylý maýsymynda aldyn alý jumysyn ýaqytyly uıymdastyrý úshin mınıstrlik barlyq deńgeıdegi mınıstrlikter men ákimdikterdiń naqty mindetterin kózdeıtin «Shomylý maýsymy kezindegi qaýipsizdik sharalary týraly» buıryqty bekitti. Sonymen qatar sáýir aıynda ortalyq jáne jergilikti atqarýshy organdardy bıylǵy sýǵa shomylý maýsymyna daıyndyq týraly» kún tártibimen vedomstvoaralyq komısıa otyrysy ótkizildi», - deıdi vedomstvo basshysy.
Buǵan deıin Taılandta sýǵa ketip, denelerin jetkizý máselesi qaralyp jatqany jaıynda habarlaǵan edik.