2021 jyly 163 301 oqýshyǵa arnalǵan 277 mektep ashyldy.
QR Prezıdenti Qasym-Jomart Toqaevtyń Joldaýynda aıtqan mektepterdegi oryn tapshylyǵy máselesi birtindep sheshilip jatyr, dep habarlaıdy Almaty-akshamy.kz QazAqparatqa silteme jasap.
Bilim jáne ǵylym mınıstrliginiń habarlaýynsha, 2021 jyly 163 301 oqýshyǵa arnalǵan 277 mektep ashyldy. Al 2022 jyly keminde 214 538 oqýshyǵa arnalǵan 225 mektep ashý josparlanyp otyr.
«Jan basyna qarjylandyrý jáne memlekettik tapsyrysty ornalastyrý júıesin damytý arqyly qajetti quqyqtyq baza jasaldy jáne jeke ınvestorlardyń resýrstary belsendi túrde tartylýda. Úsh aýysymdyq mektepter men oryn jetispeýshiligi máselesin sheship qana qoımaı, bir aýysymdyq oqytýǵa kóshý jumystary júrgizilip jatyr», - delingen mınıstrliktiń habarlamasynda.
Aıta ketsek, Prezıdent 2021 jylǵy 1 qyrkúıektegi Joldaýynda: «orta bilim berý júıesindegi ótkir problemanyń biri – mektepterdegi oryn tapshylyǵy. 225 myń oqýshyǵa oryn jetispeıdi. Shuǵyl shara qabyldamasaq, 2025 jylǵa qaraı oryn tapshylyǵy 1 mıllıonǵa jetedi. Men 2025 jylǵa deıin keminde 800 mektep salý týraly tapsyrma bergen bolatynmyn. Búgin onyń sanyn bir myńǵa jetkizýdi mindetteımin», - degen bolatyn.