Ótken jyly mobıldi baılanys operatorlaryna 132 mln teńge aıyppul salynǵan.
2022 jyly eldegi 160-qa jýyq aýylda ınternet sapasy jaqsarady, dep habarlaıdy Almaty-akshamy.kz
Sıfrlyq damý, ınovasıalar jáne aeroǵarysh ónerkásibi mınıstrliginiń alqa otyrysynda ótken jyldary atqarylǵan jumystar qorytyndylanyp, alda atqarylatyn mindetter naqtylandy.
«Byltyr 611 eldi mekende mobıldi ınternettiń sapasy jaqsartyldy, al bıyl 157 aýylda ınternet sapasyn arttyrý jumysy josparlanyp otyr. 2021 jyly SDIAÓM mamandary baılanys sapasy boıynsha 562 tekseris júrgizip, bekitilgen parametrlerdi buzǵany úshin baılanys operatorlaryna 132 mln teńge aıyppul salyndy. Osyǵan baılanysty 2022 jyly sapasyz baılanysqa aıyppul kólemin 1500 EAK (4 mln 594 myń 500 teńge, 1 AEK – 3 myń 63 teńge) deıin kóterý josparda bar», - dep jazylǵan habarlamada.
Sondaı-aq búginde Kaspıı teńiziniń túbinde talshyqty optıkalyq baılanys jelisin salý jumys qolǵa alynǵan. Bul elimizdi Eýrazıa ortalyǵyndaǵy sıfrlyq habqa aınaldyrý jolyndaǵy mańyzdy jobalardyń biri bolyp sanalady.
«Ótken jyly elimiz +997 telefondyq kodyn rezervke alǵan, biraq áli +7 aımaǵynda qalý múmkindigi bar. Osy baǵytta SDIAÓM mamandary reseılik tarappen jáne halyqaralyq elektrbaılanys odaǵymen tıisti jumystar júrgizip jatyr», - dep jazylǵan habarlamada.