Jyl basynan beri memlekettik eńbek ınspektorlary 12,7 myńnan astam jumyskerdiń quqyǵyn qorǵady.
Bul týraly Eńbek jáne áleýmettik qorǵaý mınıstrligi málim etti, dep habarlaıdy Almaty-akshamy.kz.
1 maýsymdaǵy jaǵdaı boıynsha, Memlekettik eńbek ınspektorlary 481 kásiporynnyń 15,3 myń jumyskerdiń aldynda 2,8 mlrd teńgeden astam somaǵa jalaqy boıynsha bereshegi baryn anyqtady.
«Osy kásiporyndardyń basshylaryna oryndalýy mindetti 570 nusqama berilip, 78,3 mln teńgeden astam somaǵa aıyppul salyndy. Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 12,7 myńnan astam jumyskerdiń quqyqtary qorǵaldy. Olarǵa 2,3 mlrd teńge tólendi», - dep jazdy atalǵan vedomstvo.