Memlekettik satyp alýdy rásimdeý ýaqyty qysqarady.
Bul týraly QR Qarjy vıse-mınıstri Dáýren Keńbeıil málim etti, dep habarlaıdy Almaty-akshamy.kz
«Satyp alýdy ýaqtyly ótkizý maqsatynda onyń aldyn ala josparyn qurý jaǵy qaralyp jatyr. Bıyl búdjettik komısıa maquldaǵan ótinim negizinde satyp alýlar ótkizýge jáne búdjettiń bekitilýin kútpeı-aq kelesi jylǵa sharttar jasasýǵa múmkindik beredi. Sondaı-aq konkýrs ótkizý týraly habarlandyrýdy aldyn ala jarıalaý múmkindigi qarastyrylýda. Atalǵan shara ótinimderdi qabyldaý merzimin 15 kúnnen 7 kúnge deıin qysqartady. Memlekettik satyp alý rásimin jeńildete túsý maqsatynda bıyl 1 shildeden bastap negizdemelik kelisimderdi paıdalana otyryp, konkýrs arqyly satyp alýdyń jańa tásili engiziledi. Bul satyp alý rásimderin 30 kúnge deıin qysqartýǵa múmkindik beredi», - dedi Dáýren Keńbeıil OKQ-de ótken brıfıńte.
Onyń aıtýynsha, qazir atalǵan prosestiń ortasha uzaqtyǵy 2 aı.
«Memlekettik satyp alýdyń jańa tásil keńse taýarlary, janar-jaǵarmaı, baılanys qyzmetteri, standartty (tıptik) taýarlardy satyp alý boıynsha paıdalanylady. Bul jerde kelisim jasalmas buryn belgilengen talaptarǵa sáıkes keletin áleýetti mekemelerge erekshe mán beriledi. Iaǵnı naryqta ózin jaqsy jaǵynan kórsetken kompanıalar suranys ıe bolady degen sóz. Ekinshi kezeńde tapsyrys berýshiler mundaı ónim berýshilerge taýarlardy, jumystardy, kórsetiletin qyzmetterdi satyp alýǵa ótinimder jiberedi. Shart eń jaqsy usynys jasaǵan jetkizýshi kompanıalarmen jasalady», - deıdi ol.