Qazaqstan Prezıdentiniń atyna Jańa jyl merekesine oraı shet memleketter men halyqaralyq uıymdardyń basshylarynan quttyqtaýlar kelip túsip jatyr. QazAqparat bul týraly Almaty-akshamy.kz Inform.kz-silteme jasap habarlaıdy.
Memleket basshysy Qasym-Jomart Toqaevty Reseı Prezıdenti Vladımır Pýtın, Qytaı Halyq Respýblıkasynyń Tóraǵasy Sı Szınpın, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ázirbaıjan Prezıdenti Ilham Álıev, Armenıa Prezıdenti Vaagn Hachatýrán, Armenıa Premer-mınıstri Nıkol Pashınán, Belarýs Prezıdenti Aleksandr Lýkashenko, Rım Papasy Fransısk, Vetnam Prezıdenti Ngýen Sýan Fýk, Germanıa Prezıdenti Frank-Valter Shtaınmaıer, Italıa Prezıdenti Serdjo Matarella, Mońǵolıa Prezıdenti Ýhnaagıın Hýrelsýh, Koreıa Prezıdenti Iýn Sok Ól, Úndistan Premer-mınıstri Narendra Modı, Japonıa Premer-mınıstri Fýmıo Kıshıda, Jańa Zelandıanyń General-Gýbernatory Sındı Kıro, sonymen qatar burynǵy memleket jáne úkimet basshylary, shet memleketterdiń kórnekti memleket qaıratkerleri, sheteldik iri kompanıalardyń, bankterdiń, qarjy ınstıtýttarynyń, dıplomatıalyq mısıalardyń basshylary men basqa da resmı tulǵalar quttyqtady.
«Quttyqtaý jedelhattarynda Qazaqstannyń shet memlekettermen ekijaqty jáne kópjaqty yntymaqtastyǵyn nyǵaıtýdyń mańyzdy aspektileri, basymdyqtary atap ótilgen. Sondaı-aq Qasym-Jomart Toqaev pen Qazaqstan halqyna júrekjardy tilekter aıtylǵan. Quttyqtaýlar áli de kelip jatyr», - delingen Aqorda habarlamasynda.