Qazaq televızıasyna - 65 jyl.
Osy aıtýly dataǵa oraı salada talaı jyl ter tókken ardagerler marapattaldy, dep habarlaıdy Almaty-akshamy.kz Qazaqstan.tv saıtyna silteme jasap.
Otandyq televızıa mektebiniń qalyptasýyna atsalysqan azamattar keýdesine «Eńbek ardageri» medalin taqty. Sonymen birge «Qazaq televızıasyna 65 jyl» mereıtoılyq medali de tabystaldy. «Qazaqstan» telearnasynda qazir qyzmet etip júrgen birqatar maman «Aqparat salasynyń úzdigi» atandy. Televızıa ardagerleri ulttyq arnanyń stýdıalaryn aralap, aýyr kamera men symdy mıkrofonnyń ornyna kelgen san qyrly tehnıkanyń múmkindigimen tanysty.
«Ulttyq arna – qazaq televıdenıesiniń ulaǵatty ustahanasy, qutty qara shańyraǵy. Osydan 65 jyl buryn kórermenge jol tartqan telearna bizdiń ulttyq rýhymyzǵa qyzmet etti. 2:00 Ulttyq arnany telearnanyń epopeıasy dep aıtýǵa bolady. Onda árqaısysyńyzdyń qoltańbańyz bar», - dedi QR Aqparat jáne qoǵamdyq damý mınıstri Darhan Qydyráli.
«Meniń ulttyq arnam buǵan deıin de kórermendi rıza etip kelgen ári qaraı da súıispenshiligine bólene bersin. Ulttyq arnamnyń ulaǵaty óse bersin», - dedi qazaq televızıasynyń ardageri Gúlmárıa Barmanbekova.