Túrkıaǵa ushyp shyqpaýǵa keńes berildi
Keıingi táýlik ishinde Túrkıada balalary oqyp jatqan birneshe qazaqstandyq otbasy Syrtqy ister mınıstrligine júgingen. Bul jaıynda vedomstvonyń resmı ókili Aıbek Smadıarov BAQ ókilderimen ótken brıfıńte aıtty, dep habarlaıdy Almaty-akshamy.kz QazAqparatqa silteme jasap.
«Keıingi táýlik ishinde birneshe otbasy Túrkıada oqyp jatqan balalaryn izdep júgindi. Qazir ol aqparattyń bári tekserilip jatyr. Ázirge naqty eshteńe aıta almaımyn. Óıtkeni, bilesizder, gýmanıtarlyq apat bolǵan kezde jergilikti bılikpen baılanys ornatý boıynsha keıbir qıyndyqtar týyndaıdy. Jalpy, túrik bıligi bizdiń azamattar bar bolsa nemese joq bolsa, ol týraly dereý habarlaıdy. Túrik bıligimen jaqsy baılanys ornatylǵan», - dedi Aıbek Smadıarov.
Sondaı-aq, ol qazaqstandyqtarǵa Túrkıadaǵy týystaryn izdep, ol elge ushyp shyqpaýǵa keńes berdi.
«Eger azamattarymyz Túrkıadaǵy týystaryn óz betimen izdeý úshin shyqqysy kelse, olaı isteýdiń qajeti joq. Óıtkeni, Ystambul qalasynyń áýejaıyndaǵy jaǵdaıdy vıdeodan kórdik. Myńdaǵan adam ushyp shyǵýǵa daıyn júr. Biraq, alǵashqy kezeńde ol jaqta bir jerden birdeńe tabý qıyn bolady. Mamandar osy máselemen aınalysyp jatqandyqtan, kútý kerek. Tipti, olar qıraǵan oryndarǵa jiberilmeýi de múmkin. Óıtkeni, olardyń tıisti biliktiligi joq», - dedi SİM resmı ókili.
Eske salsaq, Túrkıanyń ońtústik-shyǵysynda bolǵan zilzaladan qaza tapqandar sany 2 921 adam ekeni habarlanǵan edi. Sońǵy derekter boıynsha, apatan zardap shekkender sany 3 419-ǵa jetken.