Avtonesıelendirý boıynsha jaǵdaı baqylaýda
Keshe elimizde jeńildetilgen paıyzben avtonesıe berýdiń alǵashqy kezeńi bastaldy. Sanaýly sekýndtyń ishinde 761 qazaqstandyq kredıt alý múmkindigine ıe boldy. «Ónerkásipti damytý qory» ókiline nesıege alynǵan kólikti qaıta satýǵa bola ma? degen saýalǵa jaýap berdi, dep habarlaıdy Almaty-akshamy.kz QazAqparatqa silteme jasap.
«Kólikti qaıta satý múmkin emes. Óıtkeni, ol jerde ár adamnyń JSN (jeke sáıkestendirý nómiri) kórsetilgen. Odan bólek, klıenttiń aty-jóni men bank tólem shoty usynylady. Iaǵnı avtomobıl tek sol adamǵa beriledi jáne ol ala sala bireýge sata almaıdy», - dedi «Ónerkásipti damytý qory» AQ basqarma tóraǵasynyń orynbasary Rınat Gapparov Úkimet úıiniń kýlýarynda.
Onyń aıtýynsha, avtonesıelendirý boıynsha jaǵdaı qordyń baqylaýynda jáne proses avtomattandyrylǵan.