Jazýshy ári sýretshi
QR Ulttyq kitaphanasynda «Azıanyń shyǵarmashylyq Bogemıasy» birlestiginiń rezıdenti halyqaralyq zamanaýı óner ókili Qanat Bókejanovtyń «Álemdi qabyldaý» atty shyǵarmashylyq kórmesiniń ashylýy ótti, dep habarlaıdy Almaty-akshamy.kz.
Qanat Bókejanov − jazýshy ári sýretshi. Soltústik Kıprdiń Art Nouveau murajaıynyń halyqaralyq «Kúmis kilt» syılyǵynyń ıegeri. Qazaq sýretshisi Ǵanı Baıanovtyń sheberhanasynda bilim alǵan. Ol jazý men sýret salýdy rettelgen oılaýdyń ártúrli formalary dep sanaıdy. Kóptegen jyldar boıy noosferaǵa arnalǵan sýretter saldy. Ómirdiń bul mańyzdy, kórmesiz kezeńi erkindik pen táýelsizdikke tárbıeleý úshin qajet boldy.
Sharany QR Ulttyq kitaphanasynyń Kórmeler jáne mádenı baǵdarlamalar qyzmetiniń jetekshisi Ábdikerimova Janar Alpysbaıqyzy quttyqtaý sózben ashty.
Azıanyń Shyǵarmashylyq Bogemıasynyń prezıdenti Gúlnar Jandybaeva jáne vıse-prezıdenti Alma Nýtýsheva sóz sóılep, birlestik jumysyna belsendi atsalysqan birqatar birlestik múshelerine alǵys hattardy tabystady.
Qanat Bókejanovtyń ustazy, belgili sýretshi Ǵanı Baıanov jáne ónertanýshy Marıa Jumaǵulova búgingi «Álemdi qabyldaý» atty shyǵarmashylyq kórmege sáttilik tiledi.
Sonymen qatar shara aıasynda kórme tamashalaýǵa kelgen qonaqtarmen oıyndar oınatylyp, sýretshi Qanat Bókejanov óz týyndylaryn jeńimpazdarǵa syıǵa tartty.