Qazirgi ýaqytta jergilikti jerlerde táýlik boıy kezekshilik uıymdastyryldy
QR Premer-Mınıstriniń birinshi orynbasary Roman Sklárdyń tóraǵalyǵymen ótken keńeste Aqtóbe, Atyraý jáne Qyzylorda oblystarynyń ákimderi orynbasarlarynyń qatysýymen osy óńirlerdegi sý tasqynyna qarsy jedel áreket etý sharalary talqylandy, dep habarlaıdy Almaty-akshamy.kz.
Keńes barysynda 7 naýryzda Aqtóbe, Atyraý jáne Qyzylorda oblystarynda aýa temperatýrasynyń kúrt kóterilip, qardyń erýine jáne jaýyn-shashynnyń mol túsýine baılanysty oblystyq jáne aýdandyq mańyzy bar avtojoldardy qarǵyn sý shaıyp ótkeni týraly habardar etildi.
Ákimdikter shuǵyl túrde joldardy nyǵaıtý, sý aǵynyn jaıylymdyq jerlerge qaraı burý boıynsha qajetti sharalardy qabyldady. Buǵan TJD qyzmetteriniń kúshteri men tehnıkasy jumyldyryldy.
Qazirgi ýaqytta jergilikti jerlerde táýlik boıy kezekshilik uıymdastyryldy. Eldi mekenderdi sý basý qaýpi joq.
Qalǵan óńirlerdegi sý tasqyny ahýalynyń monıtorıńi – Úkimettiń baqylaýynda.