Qaıtalama turǵyn úı naryǵyna ıpotekalyq ótinim qabyldaýdy ýaqytsha toqtatqan bankter qatarynda Halyk Bank, Bank SentrKredıt jáne Freedom Bank Kazakhstan bar, dep habarlaıdy aqshamnews.kz Krisha.kz-ke silteme jasap.
Atalǵan qarjy uıymdarynda qazir tek bastapqy turǵyn úıge ıpoteka beriledi. Alaıda bul barlyq qurylys kompanıalarymen emes, tek jyldyq tıimdi syıaqy mólsherlemesi (JTSM) 20%-dan aspaıtyn seriktes-qurylys kompanıalar boıynsha ǵana iske asyrylady.
Bankter bul shekteýdiń qashan jáne qandaı sharttarmen joıylatynyn keıin naqtylaıtynyn habarlaǵan.
2025 jyly 16 maýsymnan bastap turǵyn úı nesıeleri boıynsha jyldyq tıimdi syıaqy mólsherlemesi (JTSM) 25%-dan 20%-ǵa deıin tómendetildi. Bul ózgeris QR Qarjy naryǵyn retteý jáne damytý agenttigi men Ulttyq banktiń birlesken qaýlysyna sáıkes kúshine endi.
Buǵan deıin Qazaqstanda ekinshi deńgeıli bankter úshin turǵyn úı jınaq naryǵyn ashý usynylǵan bolatyn.