Alaıaqtyǵyn moıyndaǵan ol ýaqytsha ustaý ızolátoryna qamaldy.
Almatyda birneshe alaıaqtyqqa qatysy bar kúdikti áıel ustaldy, dep habarlaıdy Almaty-akshamy.kz Polisia.kz-ke silteme jasap.
Serıalyq alaıaqtyq deregin Medeý aýdanynyń polısıa qyzmetkerleri anyqtady.
«Tergeý barysynda kúdikti 29 jastaǵy K. esimdi azamatsha qylmystyq jolmen baıý maqsatynda sengish kásipkerlerdi aldaǵandyǵy anyqtaldy: tabysty kóbeıtip beremin degen jeleýmen «Megataý», «GÝM», «Mobıla» dúkenderiniń 15 satýshysynyń aqshasyn alǵan. Búgingi tańda K. esimdi azamatsha ustaldy jáne birneshe ret alaıaqtyq jasaǵanyn moıyndady. Ol QR QPK-niń 128-babyna sáıkes, ýaqytsha ustaý ızolátoryna qamaldy. Qylmystyq is QR QK-niń 190-baby 3-bóliginiń 1,4-tarmaqtary (Alaıaqtyq) boıynsha tirkeldi», – dedi Medeý aýdandyq Polısıa basqarmasynyń basshysy Dáýren Ótebaev.
Qazirgi ýaqytta K. esimdi azamatshanyń Almaty qalasynda osyǵan uqsas, buryn jasalǵan qylmystarǵa qatystylyǵy tekserilýde.
Polısıa kúdiktiniń qylmystyq áreketterinen zardap shekken azamattardyń myna telefon nómirlerine habarlasýyn suraıdy: 8 (727) 254-48-02; 254-48-10 jáne 8-702-476-66-60.