Bul týraly Biryńǵaı jınaqtyq zeınetaqy qorynyń resmı saıty jazdy.
2022 jyly birjolǵy zeınetaqy tólemin alýdyń jetkiliktilik shegi 1,8 ese kóteriledi, dep habarlaıdy Almaty-akshamy.kz
QR «Qazaqstan Respýblıkasynda zeınetaqymen qamsyzdandyrý týraly» zańynda: «Zeınetaqy jınaqtarynyń eń tómen jetkiliktiliginiń shegi - Qazaqstan Respýblıkasynyń Úkimeti bekitken ádistemege sáıkes aıqyndalǵan, respýblıkalyq búdjet týraly zańda belgilengen jáne tıisti qarjy jylynyń 1 qańtarynda qoldanysta bolatyn eń tómen zeınetaqy mólsherinen kem emes aı saıynǵy zeınetaqyny qamtamasyz etý úshin qajetti mindetti zeınetaqy jarnalary jáne (nemese) mindetti kásiptik zeınetaqy jarnalary esebinen qalyptastyrylǵan zeınetaqy jınaqtarynyń eń tómen mólsheri» dep aıqyndalǵan.
TJSH aıqyndaý ádistemesi Qazaqstan Respýblıkasy Úkimetiniń 2013 jyldyń 2 qazanyndaǵy №1042 qaýlysymen (2021 jyldyń 6 qańtaryndaǵy ózgeristerimen jáne tolyqtyrýlarmen) bekitilgen.
Ádistemege sáıkes, TJSH mólsheri árbir jas erekshelikteri úshin esepteledi jáne bolashaq zeınetaqy tólemderi men zeınetaqy jarnalarynyń ósýin (ındekstelýin) eskeredi. Bul rette Qazaqstan Respýblıkasynyń «Respýblıkalyq búdjet týraly» zańyna sáıkes, jyl saıyn ındeksteletin eń tómengi jalaqy (ETJ), eń tómengi zeınetaqy (ETZ), eń tómengi kúnkóris deńgeıi (ETKD) sıaqty áleýmettik kórsetkishter qoldanylady. Osyǵan baılanysty TJSH mólsherin esepteý jyl saıyn atalǵan kórsetkishterdiń ósýin eskere otyryp júrgiziledi.
Sondaı-aq, ádistemege sáıkes TJSH anyqtaý úshin Qazaqstan Respýblıkasy Eńbek jáne halyqty áleýmettik qorǵaý mınıstrliginiń usynysy boıynsha jáne Qazaqstan Respýblıkasy Ulttyq ekonomıka mınıstrliginiń kelisimi boıynsha jyl saıynǵy negizde qabyldanatyn kórsetkishter paıdalanylady.
2022 jylǵa áleýmettik kórsetkishter mólsheri ulǵaıtylǵandyqtan (atap aıtqanda, ETJ mólsheri 2021 jyly 42 500 teńgeden 2022 jyly 60 000 teńgege deıin (nemese 41%) ósti), 2022 jylǵa TJSH mólsheri de kóbeıtildi.
Tolyq málimet BJZQ saıtynda berilgen.