Birinshi synypqa qabyldaý úshin qujattardy 1 sáýirden bastap, 2022 jylǵy 1 tamyzǵa deıin tapsyrýǵa bolady.
Balalardy 1-synypqa qabyldaý úshin 13 myńnan astam elektrondy ótinish tústi. Qabyldaýdyń birinshi kúni, ıaǵnı jumada, 10 myń, búgin jumys kúni bastalǵaly beri taǵy 3 myń ótinish tústi. Bul týraly Bilim jáne ǵylym mınıstrligi málim etti, dep habarlaıdy Almaty-akshamy.kz Elorda.info saıtyna silteme jasap.
Azamattarǵa yńǵaıly bolýy úshin balalardy mektepke qabyldaý qyzmeti avtomattandyrylǵan. Bul jumys egov.kz veb-portaly arqyly júzege asyrylady.
«Biz azamattarǵa kórsetiletin barlyq qyzmetti avtomattandyrýǵa basa nazar aýdaramyz. UBT, barlyq deńgeıdegi olımpıada elektrondy formatqa kóshirildi. Munyń kóptegen artyqshylyǵy bar, eń bastysy – barlyq prosestiń ashyqtyǵy. Biz ashyqtyqty jáne azamattarǵa qolaıly jaǵdaı jasaýdy qoldaımyz. Qujattardy qabyldaýdyń birinshi kúniniń ózinde egov.kz portaly arqyly 10 myńnan astam elektrondy ótinish kelip tústi. Mundaı sandar QR BǴM-niń sıfrlyq memlekettik qyzmetteri azamattar arasynda tanymal ekendigin kórsetedi», - deıdi Bilim jáne ǵylym vıse-mınıstri Aıbat İlıasov.