«Bir kúndik klınıka» jobasy pılottyq rejımde júzege asyrylǵan óńirlerdiń tájirıbesi búkil Qazaqstanǵa taratylady, dep habarlaıdy aqshamnews.kz
Ony iske asyrý júkti áıelderdi prenataldy dıagnostıkalaýdyń ınovasıalyq ádisteriniń qoljetimdiligin qamtamasyz etýge jáne densaýlyǵynda týa bitti kináraty men hromosomalyq patologıasy bar bala týý qaýpin der kezinde anyqtaýǵa múmkindik berdi.
Bir kún ishinde «bir tereze» qaǵıdaty boıynsha prenataldy dıagnostıka jáne tekserý nátıjelerin alý qyzmetteri men ádisteriniń joǵary sapasy júzege asyryldy. Búginge deıin bul múmkindikti 35 myńnan astam áıel paıdalanǵan.
Sonymen qatar Qazaqstanda alǵash ret «Uryq medısınasy» jobasy iske asyryldy. Bul – otandyq densaýlyq saqtaý júıesindegi jańa baǵyt. Ol az ınvazıvti prosedýralar arqyly uryqtyń erte patologıalyq jaǵdaılaryn emdeýge jáne túzetýge múmkindik beredi.
Búgingi tańda 20 jatyrishilik ota jasaldy. Atalǵan joba 2025 jyldyń 1 qańtarynan bastap búkil respýblıka boıynsha júzege asyrylady.