2024 jyly 18 035 etnıkalyq qazaq tarıhı otanymen tabysyp, qandas mártebesin alǵan. Jalpy 1991 jyldan beri respýblıkaǵa 1 mln 146,4 myń etnıkalyq qazaq oralǵan, dep habarlaıdy aqshamnews.kz
Jyl basynan Qazaqstanǵa kelgen qandastardyń 45,4% – Qytaıdan, 38,9% – Ózbekstannan, 6% – Mońǵolıadan, 5,8% – Túrikmenstannan, 2,7% – Reseı men 1,3% basqa elderden kelgen.
Byltyr pılottyq rejımde Qazaqstan elshilikteri arqyly «bir tereze» qaǵıdaty boıynsha qandas mártebesin berý tetigi iske qosylǵan. Pılottyq joba sheńberinde elimizge kelý, jumys ornyn tabý, turǵyn úı berý múmkindikteri týraly máseleni sheshý men respýblıka aýmaǵyna kirmeı-aq qandas mártebesin alýǵa bolady. Búgingi tańda etnıkalyq qazaqtardan jańa formatta 22 666 ótinish qabyldanǵan.
Jalpy qonys aýdarýshylar qaı óńirge baryp jatyr j"ne qandaı jaǵdaı jasalýda?
Qonys aýdarǵan etnıkalyq qazaqtar respýblıkanyń túrli óńirlerine qonystandy, sonyń ishinde eńbek kúshi tapshy óńirler bar: Aqmola, Abaı, Qostanaı, Pavlodar, Shyǵys pen Soltústik Qazaqstan oblystary.
Qonystandyrý óńirlerinde 2024 jylǵa arnalǵan qandastardy qabyldaý kvotasy 3 033 adamdy quraıdy. Bıylǵy 1 jeltoqsandaǵy jaǵdaı boıynsha atalmysh óńirlerge 2 961 qandas qonys aýdarǵan.
Joǵaryda atalǵan óńirlerde qonystanǵan qandastarǵa kóshýge sýbsıdıa túrinde memlekettik qoldaý sharalary usynylady: - bir mezgilde otaǵasy men otbasynyń árbir múshesine 70 AEK (258,4 myń teńge) mólsherinde qarajat; - turǵyn úı jaldaý men komýnaldyq qyzmetterge aqy tóleýge – bir jyl ishinde 15-ten 30 AEK (55,3-den 110,7 myń teńgege deıin) mólsherinde qarajat.
Jyl basynan beri 2 624 qandasqa túrli qoldaý sharalary kórsetilgen, sonyń ishinde 794 adam turaqty jumysqa ornalasqan