Túrkıadan baspana alýshy otandastarymyzdyń qarasy kóbeıgen
2021 jyldyń jazynda qazaqstandyqtar Túrkıada 507 páter satyp alyp, sheteldik tutynýshylardyń belsendi ondyǵyna endi, dep habarlaıdy Almaty-akshamy.kz.
Egemen.kz basylymynyń habarlaýynsha, bul derekti Turk.Estate jyljymaıtyn múlik agregatory keltirgen.
Qazaqstan bul tizimde 6 orynǵa turaqtaǵan. Bizdiń elden keıin Túrkıadan jyljymaıtyn múlik satyp alýǵa suranys Germanıa, Kýveıt memleketterinde joǵary ekendigi anyqtaldy.
Qazaqstandyqtar 2021 jyldyń qańtarynan tamyz aıyn qosa alǵanda Túrkıada 1112 páter satyp alǵan. Bul kórsetkish byltyrǵy jylǵy derektermen shamalas. El turǵyndary 2020 jyly Túrkıadan 1171 páter satyp alǵan.
Túrkıadan páter alýǵa qyzyǵýshylyq, ásirese, jaz aılarynda artqanyn myna derekterden ańǵarýǵa bolady: qańtar (69 páter), aqpan (119), naýryz (166), sáýir (188), mamyr (80), maýsym (165), shilde (166) jáne tamyz (176).
Irak 2021 jyly túrik jyljymaıtyn múligin satyp alý boıynsha sheteldikter arasynda birinshi orynda. Bul eldiń turǵyndary 4631 páter satyp alǵan.
Túrkıa statısıka ınstıtýtynyń 2021 jyldyń sáýir aıyndaǵy málimetine súıensek, qazaqstandyqtar sheteldikter arasynda túrik jyljymaıtyn múligin satyp alý sany boıynsha toǵyzynshy orynda.