1 bólmeli páterler kóp satylǵan
Qyrkúıek aıynda turǵyn úı naryǵyndaǵy mámileler 1,6% artty. Bul týraly Ulttyq statısıka búrosynan málim etti, dep habarlaıdy Almaty-akshamy.kz.
2022 jylǵy qyrkúıekte turǵyn úıdi satý-satyp alý boıynsha 36 241 mámile jasaldy, onyń ishinde jeke úıler – 8 905, kóppáterli úıler – 27 336. Tamyz aıymen salystyrǵanda (35 686) baspanany satý-satyp alý 1,6% artty. Mámileler sany boıynsha áli de Astana (6 347) men Almaty (6 342) qalalary kósh bastap tur. Jyljymaıtyn naryqtaǵy eń az kelisimshart Ulytaý oblysynda jasalǵan – 372.
Qazaqstandyqtardy kóbine kópqabatty úıdegi baspana qyzyqtyrady. Qyrkúıek aıynda olar boıynsha barlyǵy 27 336 mámile jasaldy, bul jalpy kórsetkishtiń 75,4%.
Bólmeler sanyna kelsek, qatarynan eki aı boıy 1 bólmeli páterler kóp satylǵan. Qyrkúıek aıynda bir bólmeli 10 163 páter resimdeldi, olar boıynsha saýdanyń 55,4% Astana jáne Almaty qalalaryna tıesili. Eki bólmeli páter boıynsha 10 083 mámile jasaldy.
2022 jyldyń tamyzymen salystyrǵanda jeke úılerdi satý kórsetkishi tómendegen. Tómendeý dınamıkasy Qyzylorda (-26,7%), Almaty ( -12,3%) jáne Batys Qazaqstan oblystarynda(-11,3%) baıqaldy. Jeke úıler saýdasynyń ósimi kerisinshe, Shymkent qalasynda (+11,6%), Aqtóbe (+9,8%), Shyǵys qazaqstan (+9,6%), Jambyl (+7,9%) jáne Pavlodar oblystarynda (+8,5%) tirkeldi.