2024 jylǵy 7-14 shilde aralyǵynda Astanada IBO-2024 bıologıadan 35-shi Halyqaralyq olımpıada ótedi. Bul oqýshylar arasyndaǵy eń bedeldi olımpıadalardyń biri.
Bıyl oǵan álemniń ár túkpirinen eń myqty 305 jas bıolog qatysady, dep habarlaıdy Almaty-akshamy.kz Oqý-aǵartý mınıstrligine silteme jasap.
Elimizdiń qurama komandasyna olımpıadalyq rezerv arasynda eń joǵary reıtıńke ıe bolǵan tórt oqýshy men eki jetekshi kirdi:
- Ǵalymjan Baqtybaı - «Bilim-Innovasıa» daryndy balalarǵa arnalǵan lıseı-ınternatynyń 11 synyp oqýshysy. Jalpy bilim beretin pánder boıynsha respýblıkalyq olımpıadanyń úsh altyn, IBO-2023 olımpıadasynyń qola medaliniń, Avısenna atyndaǵy Halyqaralyq olımpıadanyń kúmis medaliniń ıegeri;
- Amına Tynyrbaı - №10 daryndy balalarǵa arnalǵan «Bilim-Innovasıa» Qyzylorda oblystyq lıseı-ınternatynyń 11 synyp oqýshysy. 2024 jylǵy jalpy bilim beretin pánder boıynsha respýblıkalyq olımpıadanyń altyn medaliniń, National Brain Bee respýblıkalyq olımpıadasynyń qola medaliniń, Avısenna atyndaǵy Halyqaralyq olımpıadanyń kúmis medaliniń ıegeri;
- Nurtóre Tórehanuly - Shyǵys Qazaqstan oblystyq daryndy balalarǵa arnalǵan «Bilim-Innovasıa» mamandandyrylǵan lıseıiniń 11 synyp oqýshysy. National Brain Bee respýblıkalyq olımpıadasynda altyn medal, International Mendel'S Biology Olympiad-2023 olımpıadasynda altyn medal, 2024 jylǵy jalpy bilim beretin pánder boıynsha respýblıkalyq olımpıadada altyn medal ıegeri;
- Dıas Súleımenov - Aqtóbe oblystyq «Bilim-Innovasıa» lıseı-ınternatynyń 11 synyp oqýshysy. Jalpy bilim beretin pánder boıynsha respýblıkalyq olımpıadanyń eki márte altyn medaliniń ıegeri, International Mendel'S Biology Olympiad-2022-de altyn medal, Avısenna atyndaǵy Halyqaralyq Olımpıadada qola júldeger ıegeri.
Jetekshileri: Baýyrjan Smaılov - bıotehnologıa magıstri, IBO-2007 halyqaralyq olımpıadasynyń qola júldegeri; Ernar Batyrjanov – Ýlsan Ulttyq Ǵylym jáne tehnologıalar ınstıtýtynyń (UNIST, Koreıa) stýdenti, bıologıa boıynsha halyqaralyq jáne respýblıkalyq olımpıadanyń jeńimpazy.
Anyqtama: Olımpıada teorıalyq jáne 4 praktıkalyq týrdan turady (bıohımıa, molekýlalyq bıologıa, bıoınformatıka, anatomıa jáne janýarlar fızıologıasy). IBO-ǵa Qazaqstan qurama komandasy 1996 jyldan beri qatysyp keledi. Osy jyldar ishinde el quramasy 2 altyn, 20 kúmis, 54 qola medal, 14 gramota jeńip aldy. Elimizdiń qorjynynda 90 marapat bar.