Amerıkanyń 42-shi Prezıdenti qanǵa túsken ınfeksıadan emdelýde.
AQSH -tyń burynǵy Prezıdenti Bıll Klınton Kalıfornıadaǵy aýrýhanaǵa jatqyzyldy, dep habarlaıdy Almaty-akshamy.kz RIA Novostı agenttigine silteme jasap.
Bul málimetti taratqan CNN arnasy dárigerler men saıasatkerdiń ókiline silteme jasapty.
Onyń aýrýy COVID-19-ben baılanysty emes ekeni jáne onyń aýrýhanaǵa jatqyzylýyna qanǵa ınfeksıa túsý sebep bolǵany aıtylady.
«Aýrýhanaǵa ınfeksıamen jetkizildi, ol jerden juqtyrǵan joq. Ony antıbıotıktermen emdeýde», - dep habarlady telearna. Dárigerler onyń aýrýhanada eki kún jatqanyn aıtty.