Bilim salasyndaǵy «Jańa ózgeristerdiń 1000 kóshbasshysy» nemen aınalysady?

Bilim salasyndaǵy «Jańa ózgeristerdiń 1000 kóshbasshysy» nemen aınalysady? Sýret: Gov.kz

QR Oqý-aǵartý mınıstriniń buıryǵymen «Jańa ózgeristerdiń 1000 kóshbasshysy» jobasy sheńberinde respýblıkalyq kadr rezervine qabyldanǵan kandıdattardyń tizimi bekitildi, dep habarlaıdy Almaty-akshamy.kz.


Oǵan bilim berý uıymdarynyń basshylary laýazymynan úmitker 208 adam kirdi. Bul týraly QR Oqý-aǵartý mınıstrliginiń baspasóz qyzmeti habarlady.


Memleket basshysynyń tapsyrmasy boıynsha Oqý-aǵartý mınıstrligi 2023 jyldan bastap prezıdenttik Jastar kadrlyq rezerviniń úlgisi boıynsha bilim berýdegi ózgerister kóshbasshylaryn irikteý jáne daıarlaý tetigin ázirleý jáne bekitý jónindegi jobany iske asyrýda.


Bastapqy kezeńde barlyǵy 8068 ótinim tústi. Úmitkerler quzyrettilikterin baǵalaý úshin testileýden ótti. Ekinshi kezeńde – úsh deńgeıli oqytý, úshinshi kezeńde – eldiń jetekshi mektepterinde taǵylymdamadan ótý, tórtinshi kezeńde – qorytyndy baǵalaý jáne qorytyndy kezeńde – mınıstrlik janyndaǵy komısıamen áńgimelesý boldy. Barlyq bes kezeńniń qorytyndysy boıynsha respýblıkalyq kadr rezervine 208 kandıdat ótti.


İrikteýdiń barlyq kezeńderinen ótkenderge sertıfıkat beriledi. Onyń negizinde úmitkerler konkýrstyq rásimderden ótpeı-aq birinshi basshynyń bos ornyna taǵaıyndalatyn bolady. Sondaı-aq, barlyq kezeńderden sátti ótken jáne sertıfıkat alǵandarǵa «Jetekshi-kóshbasshy» biliktilik sanaty beriledi.


Jańa býyn menedjerleri jańa mektepterdi, onyń ishinde «Jaıly mektep» ulttyq jobasy aıasynda salynyp jatqan bilim oshaqtaryn kadrlyq jaǵynan qamtamasyz etý máselesin sheshýge járdemdesedi dep josparlanýda.


Aıta keteıik, bul joba bıyl da jalǵasady. Oǵan barlyq tilek bildirgen pedagogter qatysa alady.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

12:44

12:00

11:55

11:17

11:14

11:00

09:59

09:55

09:44

09:00

20:34

17:56

17:42

17:38

17:25

17:23

17:15

17:05

16:46

16:31

16:15

16:08

16:01

15:51

15:31