2023 jyldan bastap Memleket basshysynyń bastamasymen jańa formattaǵy kóshbasshylardy irikteý men oqytýǵa baǵyttalǵan «Bilim berýdegi ózgeristerdiń 1000 kóshbasshysy» jobasy júzege asyrylýda.
Baǵdarlamanyń birinshi jylynda 207 qatysýshy respýblıkalyq kadr rezervine alyndy, onyń 180-i memlekettik bilim berý uıymdarynyń basshylary bolyp taǵaıyndaldy, dep habarlaıdy aqshamnews.kz.
Al 2024 jyly aıaqtalǵan ekinshi lektiń nátıjesinde 376 pedagog qabyldandy. Olardyń 50-i mektep dırektory, 40-qa jýyǵy dırektordyń orynbasary qyzmetine kirisip ketti.
Jobaǵa qatysýshylardyń biri - Meıram Bektemirov. Petropavl qalasyndaǵy qalalyq mektepte jumys istegennen keıin 2025 jyldyń qańtarynda Soltústik Qazaqstan oblysy Qyzyljar aýdanyndaǵy aýyldyq mekteptiń dırektoryna taǵaıyndaldy.
«Men joba týraly ótken jyly bilip, belsendi túrde daıyndala bastadym. Bul pedagogter úshin úlken múmkindik. İrikteýdiń barlyq kezeńderinen súrinbeı óttim. Baıqaýdyń kásibı sheberlikti ǵana baǵalap qoımaı, kúndelikti tapsyrmalarǵa jańasha kózqaraspen qaraýǵa kómektesetinin túsindim. Bul tájirıbe basqa tásilderdi oılap tabýǵa jáne kásibıligimdi baıytýǵa múmkindik berdi. Búgingi tańda mektebimizde oqý úderisin uıymdastyrýdy aıtarlyqtaı jeńildetetin ASC Timetable júıesin paıdalana otyryp, ınovasıalyq josparlaý baǵdarlamasy engizilýde. Óńirdegi áriptesterimmen tájirıbemdi bólisemin,- dedi Meıram Bektemirov.
Aıta keteıik, QR Oqý-aǵartý mınıstrligi Memleket basshysynyń tapsyrmasymen 2023 jyldan bastap Prezıdenttik jastar kadrlyq rezerviniń úlgisimen jobany júzege asyrýda. 2024 jyly jobaǵa qatysýǵa nıet bildirýshiler sany aldyńǵy jylǵa qaraǵanda 2,5 esege artqan. Baǵdarlamaǵa balabaqsha, mektep jáne kolej muǵalimderi qatysýda.
İrikteý bes kezeń boıynsha ótti: kásibı jáne basqarýshylyq quzyretterdi baǵalaý boıynsha testileý, oqý, elimizdiń jetekshi mektepterinde taǵylymdamadan ótý, qorytyndy baǵalaý jáne respýblıkalyq komısıadan áńgimelesýden ótý.