Qazaqstanda bilim salasyna salynǵan ınvestısıa kólemi kúrt artty.
Osylaısha, 2022 jyldyń alǵashqy jeti aıynda ǵana shamamen 150 mıllıard teńgege jetti. Bul ótken jylmen salystyrǵanda 80%-ke artyq. Ol kezde sektorǵa quıylǵan kúrdeli salymdar 83 mlrd-tan sál ǵana astam teńgeni quraǵan, dep habarlaıdy Almaty-akshamy.kz.
Finprom.KZ portalynyń málimetinshe, naqty kólem ósimi shamamen 75%-ke jetken, dep habarlaıdy. Sarapshylardyń aıtýynsha, eń kóp qarajat – 46 mlrd teńge Almatyǵa tıesili. Úzdik úshtikke Túrkistan oblysy men Shymkent qalasy ilikti. Sektorǵa salynǵan barlyq kúrdeli salymdardyń teń jartysy osy úsh óńirge baǵyttalǵan. Aıta keterligi, bilim salasyna quıylǵan ınvestısıanyń basym bóligi jergilikti búdjet esebinen qamtamasyz etildi. Kásiporyndardyń menshikti qarajaty shamamen 31 mlrd teńgeni qurady.