Nur Otan partıasynan saılanǵan Almaty qalasy máslıhaty depýtattarynyń aldynda bilim berý nysandaryn damytý basymdyqqa ıe jobalardyń tiziminde birinshi tur.
2021 jyly Nur Otan partıasynyń saılaýaldy baǵdarlamasy men Jol kartasy baǵdarlamasyn júzege asyrý barysynda jeke qarjy esebinen 2656 oryndyq 13 jeke mektep ashyldy. Qarapaıym mektepterdiń ǵımaratyn jóndeýden ótkizip, oǵan jalǵastyra bólmeler salý arqyly mektepti aýdandaǵy mádenı, áleýmettik qoǵamdyq jáne sport ortalyqtaryna aınaldyrýǵa bolady.
Qalalyq máslıhat depýtattary ınvestorlarǵa ınvestısıalyq jobalardy qamtamasyz etedi. Osyndaı jobalardyń bastamashyldaryna qoldaý jasap, áriptes pen ınvestorlar izdestirýde zor qoldaý kórsetedi.
Almaty qalasynyń ákimi B.Saǵyntaevtyń bastamasymen shaharymyzda orta mektepterge 11 jalǵastyra salynǵan japsarjaılardyń arqasynda mektepter 4600 qosymsha orynmen qamtamasyz etildi.
Máslıhat hatshysy Stanıslav Kankýrovtyń aıtýynsha, jalǵastyra salynǵan qurylys eń kóp degende úsh qabatty quraıdy. Zamanaýı keń ári jaryq bloktar mektep aýmaǵynda boı kóteredi. Osylaısha bilim oshaqtaryndaǵy oqýshy oryndarynyń tapshylyǵyn joıý kózdelgen.
«Jol kartasy baǵdarlamasynyń aıasynda 2025 jylǵa deıin 1274 is-shara ótkizý josparlanǵan. 11 aıdyń ishinde jalpy josparly istiń 32,2% (410) oryndaldy», – dedi S.Kankýrov.