Qazaqstan men Qytaı ýnıversıtetteri bilim berý salasyndaǵy yntymaqtastyqty nyǵaıtýdy jalǵastyrýda. 2023 jylǵy 5 shildede Abaı atyndaǵy QazUPÝ rektory Darhan Bilálov Sıan Száo Týn ýnıversıtetiniń delegasıasymen kezdesti.
Kezdesý barysynda taraptar yntymaqtastyqtyń túrli aspektilerin, sonyń ishinde stýdentter men oqytýshylarmen almasý, birlesken ǵylymı zertteýler júrgizý jáne akademıalyq baǵdarlamalardy damytý máselelerin talqylady.
Postdoktorantýra salasyndaǵy yntymaqtastyqty damytýǵa erekshe nazar aýdaryldy. Dostyq atmosferada jáne nátıjeli ótken bul mańyzdy is-sharada joǵary oqý oryndarynyń bilim berý jáne ǵylym salasyndaǵy yntymaqtastyqty nyǵaıtyp, eki el arasyndaǵy baılanysty damytýǵa yqpalyn tıgizetinin atap ótti.
Kezdesý sońynda ýnıversıtetter arasyndaǵy yntymaqtastyq týraly Memorandýmǵa qol qoıyldy. Bul kezdesý Qazaqstan men Qytaı arasyndaǵy bilim jáne ǵylym salasyndaǵy baılanystardy nyǵaıtý jolyndaǵy mańyzdy qadam bolyp tabylady.
Mundaı yntymaqtastyq eki joǵary oqý ornynyń stýdentterine, oqytýshylaryna jáne ǵylymı qyzmetkerlerine úlken múmkindikterge jol ashyp, eki memleket arasyndaǵy bilim men mádenıettiń damýyna yqpal etedi.