Qazaqstandaǵy eń iri onlaın bıletterdi satyp alý júıesi «Tıketon» qyzmeti rebrendıng týraly habarlaıdy. Endi «Tıketon»-da Freedom Holding Corp. ekojúıelik kompanıalarynyń erekshe stıldegi biregeı, tanymal jańa logotıpi bolady.
Jańartylǵan belgide Freedom Holding Corp. logotıpin beıneleıtin latynnyń «F» árpi bar. Ortaq stıl sıfrlyq ekojúıeniń qamqorlyǵymen barlyq jobalardy biriktiredi. Olar holdıńtiń tórt negizgi erejesin kórsetedi: senimdilik, kóshbasshylyq, ınovasıa jáne qarjy.
Freedom Holding Corp. kompanıasynyń bas atqarýshy dırektory Tımýr Týrlov:
«Sıfrlyq qyzmetterdiń aıasyn keńeıtý jáne olardy klıentter úshin qoldaný prosesin jeńildetý – bizdiń damýymyzdyń basym baǵyttarynyń biri. Freedom ekojúıesiniń baǵytyn keńeıte otyryp, biz onyń segmentinde naryq kóshbasshysyn tańdadyq. Jetildirilgen «Tıketon» qyzmeti búginde qazaqstandyqtardyń ómirine erekshe qýanysh syılap, olarǵa eldegi eń qyzyqty oqıǵalardyń qatysýshysy bolýǵa múmkindik beredi. Osy jyldar aralyǵynda ol ári qaraı ósý úshin úlken áleýetti jetekshi onlaın bıletter operatory retinde óziniń jetekshi pozısıasyn dáleldedi. Bolashaqta kompanıa Qazaqstannyń shyǵarmashylyq ındýstrıasy men ekonomıkasyna aıtarlyqtaı úles qosa otyryp, álemdik deńgeıdegi juldyzdardyń konsertteriniń negizgi jetkizýshisi bola alady».
Oıyn-saýyq naryǵy - el ekonomıkasynyń qarqyndy damyp kele jatqan salalarynyń biri. Oıyn-saýyq ındýstrıasynyń kólemi, «Tıketon» servısiniń málimeti boıynsha, 2022 jylmen salystyrǵanda 30%-ǵa ósip, 56,9 mlrd teńgeni qurady. Sonymen qatar kompanıa júrgizgen baǵalaýǵa sáıkes, ol onlaın bıletterdi satý naryǵynyń 80% úlesine ıe. 2024 jyly sala 22%-ǵa ósip, 69 mıllıard teńgeniń taýar aınalymyn jasaıdy dep kútilýde. «Tıketon»-da kún saıyn 10-nan 25 myńǵa deıin bılet satylady, al platforma jumys istegen jyldardaǵy olardyń jalpy sany qazirdiń ózinde 16 mıllıonnan asty. 2023 jyly 1335 gastróldik is-shara qamtylǵan, bul aldyńǵy jylmen salystyrǵanda eki esege jýyq kóp. Ótken jyly kompanıa 19,1 mlrd teńge taýar aınalymyna qol jetkizdi, bul 2022 jylmen salystyrǵanda 66%-ǵa artyq.
«Tıketon» bas dırektory Vıktorıa Torgýnakova:
«Rebrendıng – bizdiń kompanıanyń damýyndaǵy mańyzdy kezeń. Freedom Holding korporasıasynyń bir bóligi bola otyryp, biz syrtqy beınemizdi ózgertip qana qoımaımyz. Eń aldymen, óz klıentterimiz ben servısti paıdalanýshylar úshin jańa múmkindikter ashamyz. Biz ekojúıeniń basqa elementterimen ıntegrasıalanamyz jáne klıentter úshin keshendi ónimder jasaımyz. Biz qyzmet kórsetýdiń jańa, joǵary deńgeıine jetemiz, sonymen qatar jańa IT sheshimderin engizýdi josparlap otyrmyz. Kompanıanyń basty maqsattarynyń biri - is-shara bıletterin onlaın satý naryǵynda joǵary tehnologıalyq fınteh qyzmeti bolý. Qazaqstandyqtardy alda «Tıketon» bastamasymen budan da qyzyqty oqıǵalar kútip tur».
Kompanıa 2022 jyldyń qyrkúıeginde Freedom Holding Corp. quramyna kirdi.
Anyqtama:
Freedom Holding Corp. - enshiles kompanıalary arqyly qarjylyq qyzmetterdi, brokerlik bólshek saýda, ınvestısıalyq keńes berý, baǵaly qaǵazdarmen saýda, ınvestısıalyq bankıng jáne anderraıtıng qyzmetterin usynatyn holdıńtik kompanıa. Qazirgi tańda holdıńtiń jaı aksıalary KASE Nasdaq Capital Market-te saýdalanady.
Ticketon - 2012 jyly qurylǵan onlaın bıletterdi satý qyzmeti. Qazaqstannyń 40-tan astam qalasynda jáne Ortalyq Azıanyń úsh elinde: Ózbekstan, Qyrǵyzstan jáne Tájikstanda bar. Tutynýshy bazasy 1,6 mıllıonnan astam adamdy quraıdy. Qyzmet 42 kınoteatrdy, 70 teatrdy, 149 konserttik zaldy jáne 51 sport alańyn qamtıdy.