Sharýalar osyndaı boljam jasady.
Alaıda naryqtaǵy jaǵdaı «Azyq-túlik korporasıasynyń» sheshimine qaraı qubylady, dep habarlaıdy Almaty-akshamy.kz
Kúzgi naýqanda bıdaı baǵasy tonnasyna 100 myń teńgege deıin tómendeýi múmkin.
Bıyl elde 13 mıllıon tonnadaı egin jınalýy múmkin. Bul, byltyrǵa qaraǵanda, birshama kóp. Sáıkesinshe, eksporttyq áleýet te joǵary. Biraq bul baǵyttaǵy birqatar qıyndyq bar.
Shyǵystaǵy sharýa qojalyqtary bıdaıdyń tonnasy 100 myń teńgeden kem bolmaý kerek dep sanaıdy. Olar muny ádil baǵa dep esepteıdi. Alaıda naryqtaǵy jaǵdaı «Azyq-túlik korporasıasynyń» sheshimine qaraı qubylady. Olar satyp alýǵa qandaı baǵa jáne qandaı kólemdi belgileıdi soǵan baılanysty. Bul aqparat 15 qyrkúıekte jarıalanady.
«Birinshi másele - ol naryq. Biz naryqqa qarap otyramyz. Biraq el ishinde memlekettik prodkorporasıa degen uıym bar, azyq-túlik korporasıasy. Sol bıyl Qazaqstan óndirýshilerinen óte kóp bıdaıdy satyp alýdy josparlap otyr. Olar arzan baǵamen dıirmenderge bıdaı aýdarǵannan keıin bıdaıdyń quny túsedi. Un arzandaıdy», - dep túsindirdi Kazgrain ulttyq eksporttaýshylar qaýymdastyǵy tóraǵasynyń orynbasary Álibek Ataı.