Shahmat ta áskerı is sıaqty, onda taktıka da, shabýyl da, qorǵanys ta bar
Shahmattan eki dúrkin álem chempıony Bıbisara Asaýbaeva Ulttyq qorǵanys ýnıversıtetinde armıa generaly Saǵadat Nurmaǵambetov atyndaǵy áskerı kolej tárbıelenýshilerimen kezdesip, olarǵa arnaıy sheberlik sabaǵyn ótkizdi, dep habarlaıdy Almaty-akshamy.kz.
Grosmeıster sporttyń erekshelikteri jáne onyń adam minezine áseri týraly aıtty. "Shahmat mıdy jattyqtyrady, zeıindi barynsha bir jerge shoǵyrlandyrýǵa kómektesedi, shyǵarmashylyqty damytyp, problemalardy sheshýge úıretedi", - dep túsindirdi belgili shahmatshy.
– Shahmat ta áskerı is sıaqty, onda taktıka da, shabýyl da, qorǵanys ta bar, – dedi ol.
Kezdesý sońynda Bıbisara Asaýbaeva shahmatty jańa úırenip júrgendermen blıs oıyn ótkizdi. Kezdesýge qatysýshylar oǵan qyzyqty kezdesý ótkizip, shahmat tehnıkasy men tásilderin meńgerý úshin paıdaly keńester bergeni úshin alǵys aıtty.