Jambyl atyndaǵy Qazaq memlekettik fılarmonıasynda bedeldi Halyqaralyq vokalıster konkýrsynyń laýreattary marapattaldy.
Opera óneriniń úzdigi ataný úshin Qazaqstan, Armenıa, Reseı, Ózbekstan, Qyrǵyzstan, Mońǵolıa, sondaı-aq Italıada jumys isteıtin Ýkraına men Qazaqstannyń jas talanttarynan quralǵan 52 oryndaýshy baq synady. Fınaldyq týrǵa 17 qatysýshy ótti. Olardyń ónerin álemdik opera maıtalmandarynan quralǵan halyqaralyq qazylar alqasy baǵalady.
Shara barysynda qazylar alqasynyń tóraıymy KSRO men Qazaqstannyń halyq ártisi, Sosıalısik Eńbek Eri, akademık Bıbigúl Ahmetqyzy Tólegenova uıymdastyrýshylarǵa, demeýshilerge jáne barlyq qatysýshylarǵa shynaıy alǵysyn bildirdi. Jobanyń ıdeıalyq jetekshisi jeńimpazdyń atyn ózi jarıalady.
Bıylǵy jyldyń bas júldesin (Gran-prı) Máskeýden kelgen Sofá Sakanıa ıelendi.
20 jastaǵy ánshi Baqytjan Baıqadamulynyń «Súıgen sáýlem» ánin áserli oryndaýymen erekshelendi.
«Mundaı aýqymdy baıqaýda jeńiske jetkenime qýanyshtymyn. Shyny kerek, jeńimpaz atanamyn dep oılaǵan joqpyn. Óıtkeni, báseke óte joǵary boldy. Bul konkrýsqa katysýdyń ózi men úshin úlken synaq ári yntalandyrý boldy. Bıbigúl Ahmetqyzy – ańyz adam. Ony tirideı kórý men úshin úlken baqyt. Árıne, bul orasan zor tájirıbe, orkestrmen jumys, jańa emosıa, kútpegen tosynsyı… Bul baıqaý maǵan úlken mektep boldy», – dedi Sofá.
Konkýrs laýreattary
İ oryn:
• Alıhan Beısekov (Almaty)
• Ekaterına Svırıdova (Máskeý)
• Mýnhtývshın Horolgorav (Ulan-Batyr)
İİ oryn:
• Bekýlan Erbolatuly (Astana)
• Dılnaz Omarhanova (Astana)
• Sevastán Martynúk (Krasnoıarsk)
İİİ oryn:
• Jandarbek Erkinbaev (Almaty)
• Hadıcha Imamnazarova (Tashkent)
Dıplomanttar
• Ábdreıim Ázıza (Almaty)
• Bogdan Shevchenko (Atyraý)
• Arýjan Jalǵasova (Almaty)
• Arýjan Toqtaǵan (Almaty)
• Arýjan Alpysbaeva (Almaty)
• Atahan Aıbek ýýlý (Bishkek)
• Hýrsandbek Atamýratov (Nýkýs)
• Alekseı Iýrkovskıı (Sankt-Peterbýrg)
Arnaıy syılyqtar
• Qazaqstan kompozıtorlarynyń Bıbigúl Tólegenova repertýaryndaǵy shyǵarmasyn úzdik oryndaǵany úshin: Sofá Sakanıa (Máskeý), Alekseı Iýrkovskıı (Sankt-Peterbýrg)
• Qatysýshy eldiń halyq ánin úzdik oryndaǵany úshin: Mýnhtývshın Horolgorav (Mońǵolıa)
• Úzdik konsertmeıster: Larısa Shalabaeva, Marına Altýhova
Konkýrs laýreattardyń qatysýymen ótken Gala-konsertte qazaqstandyq jáne álemdik klasıkanyń áıgili shyǵarmalary oryndalyp, olardy QR T. Ábdrashev atyndaǵy Memlekettik sımfonıalyq orkestri (dırıjer E. Ahmedárov) súıemeldedi.
Syıaqy qory
• Gran-prı – 5 400 000 teńge jáne laýreat ataǵy.
• İ oryn – 2 700 000 teńge jáne laýreat ataǵy.
• İİ oryn – 1 500 000 teńge jáne laýreat ataǵy.
• İİİ oryn – 1 200 000 teńge jáne laýreat ataǵy.
Al, fınaldyq týrǵa qatysyp, biraq laýreat ataǵyn almaǵan árbir qatysýshy dıplommen, dıplomant ataǵymen jáne 350 000 teńge kólemindegi kótermeleý syıaqysymen marapattaldy.