2025 jylǵy 2 qazanda Almatyda kóp jyldan keıin alǵash ret resmı mereke – Tehnıkalyq jáne kásiptik bilim berý (TjKBB) kúni atap ótildi.
Almaty qalasy Bilim basqarmasynyń uıymdastyrýymen ótken keń aýqymdy saltanatty shara Naýryzbaı aýdanyndaǵy oqýshylardyń ınovasıalyq shyǵarmashylyq ortalyǵynda ótti.
Almaty qalasy Bilim basqarmasynyń basshysy Saıran Saıfedenov: «Qazaqstan Prezıdenti Qasym-Jomart Toqaevtyń bastamasymen 2025 jyl Jumysshy mamandyqtar jyly bolyp jarıalandy. Bul qoǵam nazaryn jumysshy mamandyqtarynyń mártebesine, stýdentter men pedagogterdi qoldaýǵa, kolejder men jumys berýshiler arasyndaǵy áriptestikti nyǵaıtýǵa erekshe baǵyttaıdy» – dep málimdedi.
Aıta ketý kerek, «Kásibı merekeler tizbesin bekitý týraly» resmı qujatta 2 qazan «Tehnıkalyq jáne kásiptik, orta bilimnen keıingi bilim berý qyzmetkerleri kúni» retinde belgilengen. Bul negizdeme 2023 jylǵy 29 mamyrdaǵy №258 QR Eńbek jáne halyqty áleýmettik qorǵaý mınıstriniń buıryǵymen bekitilgen ózgeristerge sáıkes engizilgen.
Merekege kolej basshylary men pedagogteri, áleýmettik seriktester, jumys berýshiler jáne TjKBB ardagerleri – qurmetti qonaqtary retinde qatysty. Olardyń kásiptik-tehnıkalyq bilim berý júıesiniń adamı kapıtaly men el ekonomıkasyn damytýǵa qosqan zor úlesteri atap ótildi.
Osy kúni pedagogter jáne áleýmettik seriktester Alǵys hattarmen marapattaldy:
• Abdýgazıeva Anıa Ýtegenovna, «Lıngvısıkalyq koleji» dırektory;
• Málikova Marjan Sabyrqyzy, ALMATY POLYTECHNIC COLLEGE dırektordyń oqý jumysy jónindegi orynbasary;
• Sarsenov Bakytjan Shamýratovıch, «Almaty qurylys jáne menedjment koleji» dırektory;
• Kenesbaeva Sabıra Asanovna QBBJTǴÁO Tehnıkalyq jáne kásiptik bilim berý bóliminiń ádiskeri;
• Abdreımova Moldır Abdrashıtovna, «Almaty servıs jáne tehnologıalar koleji» dırektordyń oqý isi jónindegi orynbasary;
• Karabaeva Akbope Kasymbekovna, «Qazaq ulttyq qyzdar pedagogıkalyq ýnıversıteti» quramyndaǵy Kásibı bilim berý kolejiniń dırektory;
• Sembıeva Saýle Baltabaevna, «Almaty kópsalaly koleji», dırektordyń oqý isi jónindegi orynbasary;
• Nurjan Aqbota Nurjanqyzy, Almaty qurylys-tehnıkalyq koleji, dırektordyń tárbıe isi jónindegi orynbasary;
• Makeeva Akbota Shopanovna Almaty telekomýnıkasıa jáne mashına jasaý koleji, dırektordyń oqý isi jónindegi orynbasary;
• Toqbergenova Gýlmıra Telmanovna «Interdent» Joǵary medısınalyq koleji dırektory;
• Shalabaeva Maıra Hýsaınovna Halyqaralyq ınjenerlik-tehnologıalyq ýnıversıeti koleji dırektory;
• Leder Alekseı Vladımırovıch Almaty avtomehanıka koleji óndiristik oqytý sheberi.
Baǵdarlamanyń basty oqıǵasy Almaty kolejderiniń jetistikter kórmesi boldy. Oǵan qaladaǵy 12 jetekshi memlekettik jáne jekemenshik oqý orny qatysty. Kolejder ınovasıalyq bilim berý tájirıbelerin, zamanaýı oqytý tehnologıalaryn, dýaldy bilim berýdi engizý nátıjelerin, sondaı-aq jumys berýshilermen tabysty yntymaqtastyq jumys úlgilerin usyndy.
İs-sharanyń kásibı baǵdar berý mısıasyna erekshe mán berildi. Kórmege qatysqan Almaty mektep oqýshylary bolashaq mamandyqtarmen jaqynyraq tanysyp, ustazdar men stýdentterge suraqtar qoıyp, sheberlik-saǵattary men ınteraktıvti aımaqtarǵa qatysý múmkindigine ıe boldy. Ekspozısıa TjKBB salasynyń damý qarqynyn jáne suranysqa ıe kadrlardy – servıs pen menedjment salasynyń mamandarynan bastap, İT jáne kreatıvti ındýstrıalardaǵy kásibı mamandardy daıarlaýdaǵy túıindi rólin aıqyn kórsetti.
Belgili qazaqstandyq ánshilerdiń qatysýymen ótken merekelik konsert is-sharanyń saltanatty baǵdarlamasyn jalǵastyrdy.
Uıymdastyrýshylar TjKBB kúni merekesiniń deńgeıi búkil eldegi kásibı bilim berý júıesi úshin aıryqsha oqıǵa bolǵanyn atap ótti. Bul – tehnıkalyq jáne kásiptik bilim berý júıesin damytý memleket úshin strategıalyq basymdyq ekenin dáleldeıdi.