Azamattyq qorǵaý qyzmetteri Atyraý, Aqtóbe, Aqmola, Batys jáne Soltústik Qazaqstan oblystarynda sý tasqynyna qarsy is-sharalardy jalǵastyryp jatyr. Bul týraly QR TJM ókili Asqar Shárip baıandady, dep habarlaıdy almaty-akshamy.kz.
«Jaıyq ózenine sýdyń kelýine baılanysty Atyraý oblysy aıryqsha baqylaýda. Atyraý qalasynda Jaıyq ózeni boıynda bógetterdi nyǵaıtý jumystary úzdiksiz júrgizilip jatyr. Dronnyń kómegimen sý tasqyny jaǵdaıyna monıtorıń júrgizilýde. Bronnan shyǵarylǵan jyljymaly sorǵy stansıalary sý basqan aýmaqtardan sý sorý jumystaryna jumyldyryldy», - dedi A.Shárip Ortalyq komýnıkasıalar qyzmetinde.
Soltústik Qazaqstan, Atyraý jáne Aqtóbe oblystarynda 6 379 turǵyn úı men 2 794 aýla aýmaǵynan sýdyń baǵyty burylyp, sý soryldy. Respýblıka boıynsha 37 myńnan astam adam óz úılerine oraldy, 6 myńnan astam adam evakýasıalaý pýnktterinde ornalasty.
Avarıalyq-qutqarý jáne sý tasqynyna qarsy jumystarǵa 21 myńnan astam adam, 2 myńnan astam túrli tehnıka, 615 sý sorý jáne júzý quraly, 8 áýe kemesi jumyldyryldy.
«Sý tasqyny bastalǵaly beri 12 mln astam tekshe metr erigen qar sýy soryp shyǵaryldy, 6,6 mln astam qapshyq jáne 1,5 mln astam tonna ınertti materıal tóseldi. Jalpy azamattyq qorǵaý qyzmetteri Atyraý, Aqtóbe, Aqmola, Batys jáne Soltústik Qazaqstan oblystarynda sý tasqynyna qarsy is-sharalar júrgizip jatyr», - dedi spıker.