5,5 myńǵa jýyq ótinim qabyldandy.
«Úzdik pedagog-2022» baıqaýyna qatysýǵa elimizdiń ár óńirinen 5 myńnan astam muǵalim men tárbıeshi ótinim joldady. Búgingi tańda eń belsendi qatysýshylar Almaty men Aqmola oblysynan, dep habarlaıdy Almaty-akshamy.kz.
Bıyl ótinishterdi qabyldaý tártibi avtomattandyrylyp, ashyq ótip jatqanyn aıta keteıik. Barlyq kezeńdi sıfrlandyrýdyń arqasynda baıqaýǵa degen senim artyp, ótinimder sany rekordtyq kórsetkishke jetti.
Konkýrsqa balabaqsha, mektep pen kolejdiń shtatynda jumys isteıtin pedagogter qatysyp jatyr. Jeńimpazdar 3 mln teńge kóleminde syıaqy alady. Byltyr elimizdiń ár óńirinen 64 muǵalimniń árqaısysy 3 mln teńgeden ıelengen bolatyn.
«Búgingi tańda https://teachercontest.iac.kz/ veb-portalynda baıqaýdyń birinshi jáne ekinshi kezeńine qatysý úshin 5,5 myńǵa jýyq muǵalim tirkeldi. Ekinshi, ıaǵnı oblystyq kezeńge qujat qabyldaý jalǵasyp jatyr. Ol 30 qyrkúıekte aıaqtalady. Bıyl baıqaýǵa qatysatyn ár muǵalim saýalnamany toltyrǵannan keıin baıqaýdyń odan arǵy dınamıkasyn baqylaı alady, ıaǵnı qatysýshylardyń qaı kezeńde ekenin, sarapshylar qandaı upaı bergenin baqylaı alady. Bul tásil barlyq kezeńde baıqaýdyń ashyqtyǵyn qamtamasyz etedi», - deıdi QR Oqý-aǵartý mınıstrligi Orta bilim komıtetiniń tóraǵasy Gúlmıra Kárimova.
«Úzdik pedagog» baıqaýynyń jeńimpazdary 3 mln teńge kólemindegi aqshalaı syılyqpen qatar tósbelgilerge de ıe bolady.
https://teachercontest.iac.kz/ veb-portaly arqyly ótinim berýden bastap konkýrs qujattaryn júkteýge jáne barlyq kezeńdegi upaılardy baqylaýǵa bolady.
Baıqaý erejeleri týraly qosymsha aqparat Oqý-aǵartý mınıstrliginiń saıtynda bar.