Tanymal qazaq jazýshysy Berdibek Soqpaqbaevtyń 100 jyldyǵy Túrki dúnıesi mádenıet ortalyǵynda saltanatty túrde atap ótildi, dep habarlaıdy aqshamnews.kz.
Shara aıasynda jazýshynyń túrik tiline aýdarylǵan «Ólgender qaıtyp kelmeıdi» kitabynyń tusaýy kesildi. Aýdarǵan túrik ǵalymy Hýseın Varol.
Sharada TÚRKSOI uıymynyń bas hatshysy Sultan Raevtyń sálemin Qazaqstannyń ókili Baqytjan Omar jetkizdi. Stambulǵa Almaty oblysynyń mádenıet basqarmasynyń basshysy Danıar Alıev bastaǵan delegasıa arnaıy kelgen. Olardyń arasynda jazýshynyń qyzy Samal Soqpaqbaeva da bar.
Túrik jáne bashqurt ǵalymdary Berdibek Soqpaqbaevtyń shyǵarmasymen jaqynnan tanysyp, alǵan áserlerimen bólisti. Jazýshynyń mereıtoıy 6 qarasha kúni IýNESKO-nyń bas shtab-páterinde atap ótiledi.
Bul shara jazýshynyń shyǵarmashylyǵyn nasıhattaýǵa jáne mádenı baılanystardy nyǵaıtýǵa baǵyttalǵan mańyzdy shara bolyp tabylady.
Qalamgerdiń «Meniń atym Qoja», «Balalyq shaqqa saıahat», «16 jasar chempıon» syndy shyǵarmalary da oqyrmanǵa etene tanys. Jazýshynyń eńbekteri búginge deıin álemniń 68 tiline aýdarylǵan. Al túrik jazýshysy aýdarmaǵa 2 jyl ýaqytyn jumsapty.