28 shildede Shymkent qalasynyń mamandandyrylǵan qylmystyq ister jónindegi aýdanaralyq sotynda qala ákiminiń orynbasary Rýslan Berdenovke jasalǵan qastandyqqa baılanysty aldyn ala sot otyrysy ótti, - dep habarlaıdy Aqshamnews.kz tilshisi.
Jábirlenýshi sotqa kelmedi
Rýslan Berdenov sot otyrysyna qatyspaǵany belgili boldy. Onyń ókili Jeńis Tynybektiń aıtýynsha, jábirlenýshi qazir em qabyldap jatyr.
Negizgi sot otyrysy
Bul is boıynsha basty sot talqylaýy 6 tamyzda saǵat 10:00-ge belgilengen.
Kúdikti – Ernar Jıembaı
Bul is boıynsha Ernar Jıembaı kúdikti retinde tanylyp otyr. Aldyn ala tyńdaý ashyq túrde ótken. Alaıda sýdıa sottalýshynyń óz beınesiniń túsirilýine qarsy ekenin málimdedi.
Eske salaıyq, sotqa QR Qylmystyq kodeksiniń 24-baby 3-bóligi men 99-baby 1-bóligi ("Kisi óltirýge oqtalý") boıynsha is túsken bolatyn.
Áıeliniń málimdemesi
Buǵan deıin kúdiktiniń áıeli Lýıza Aldanova Instagram-paraqshasynda bolǵan jaǵdaıǵa qatysty pikir bildirgen. Keıbir BAQ-tyń málimetinshe, kúdikti buǵan deıin "Turǵyn úı Shymkent" JSHS-in basqarǵan.
Qastandyq oqıǵasy
Aıta keteıik, 2025 jylǵy 21 sáýirde Shymkent qalalyq ákimdigi ǵımaratynyń mańynda Rýslan Berdenovke oq atylǵan. Sheneýnik jaraqat alyp, aýrýhanaǵa jatqyzyldy. Kúdikti oqıǵa ornynda ustaldy.
Oqıǵadan keıin áleýmettik jelilerde shabýyldyń sebepteri týraly túrli nusqalar tarady. Onyń ishinde oqıǵanyń turmystyq sıpatta ekeni, tipti kórealmaýshylyq pen qyzǵanysh negizinde bolǵany týraly da boljamdar aıtyldy.