Astanada jáne Soltústik Qazaqstan oblysynda adam saýdasyna baılanysty qylmystarǵa qatysy bar eki toptyń áreketi áshkere boldy, - dep habarlaıdy Aqshamnews.kz tilshisi.
Kúdiktiler ınternet resýrstardy udaıy paıdalanyp, jynystyq sıpattaǵy zańsyz qyzmet túrlerin jarnamalap otyrǵan. Olardyń áreketi uıymdasqan sıpatqa ıe bolyp, mıllıardtaǵan paıda tapqan.
Aldyn ala derekter boıynsha qylmystyq toptyń kúndelikti tabysy 1,5 mln teńgege deıin jetken, al 2024 jyldyń basynan bergi qarjy aınalymy 1,7 mlrd teńgeden asady.
"Tintý barysynda aqsha, bank kartalary, kólikter, kompúterler, uıaly telefondar jáne basqa da sıfrlyq aqparat tasymaldaǵyshtar tárkilendi. Negizgi fıgýranttar men olardyń sybaılastaryna qamaýǵa alý túrindegi bultartpaý sharasy qoldanyldy. Bul derekter boıynsha Qylmystyq kodekstiń adam saýdasy men uıymdasqan qylmystyq topty qurý jáne oǵan qatysý baptary boıynsha sotaldy tergeý júrgizilip jatyr", - dep jazylǵan habarlamada.
Aıta keteıik, bul qylmystar úshin 12 jylǵa deıin bas bostandyǵynan aıyrý jáne múlkin tárkileý túrindegi jaza qarastyrylǵan.