Bolat Aqsholaqov Qazaqstanda benzın baǵasy eń arzan ekenin aıta kele, elde AI-92 benzıni 11 paıyzǵa qymbattaıtynyn málim etti.
Tıisti buıryq búgin engiziledi, dep habarlaıdy Almaty-akshamy.kz Ulysmedia.kz-ke silteme jasap.
«İshki naryqtaǵy janarmaı jaǵdaıyn turaqtandyrý úshin Qazaqstannyń kórshi eldermen salystyrǵandaǵy baǵa aıyrmashylyǵyn ózgertý qajet. Bul qıyn, biraq qajet sheshimge barýymyz kerek. Ony moıyndaý kerek.
QR Energetıka mınıstriniń mindetin atqarýshy Bolat Aqsholaqov elimizde janarmaı baǵasynyń ósýine qandaı sebepter áser etip otyrǵanyn aıtty.
«Elimizdegi úsh munaı óńdeý zaýytynda jańǵyrtý jumystary aıaqtalǵannan keıin, munaı óńdeý kólemi 3 mln tonnaǵa ósti. Qazir jylyna shamamen 17 mln tonna shıki munaı óndelip jatyr (bıtým zaýytyn qospaǵanda). Keıingi 5 jylda benzın shyǵarý kólemin 70%-ǵa (3 mln tonnadan 5 mln tonnaǵa deıin), dızel otynyn 30%-ǵa ósirdik (jylyna 4 mln-nan 5,2 mln tonnaǵa deıin). Byltyr dızel otynyn óndirý boıynsha rekordtyq kórsetkishke, ıaǵnı 5,2 mln tonnaǵa jetsek te, qazirgi jaǵdaıda elimizdiń birqatar óńirinde dızel tapshylyǵy bar. 350 myń tonna kólemindegi tapshylyqty (qysqy DT qospaǵanda) qymbat ımporttyq otynmen jabýǵa májbúr boldyq. Osy oraıda, ekonomıkadaǵy mańyzdy ónerkásip sektory bolyp sanalatyn taý-ken mettallýrgıa kesheni jáne temirjol salalarynyń tutyný kólemi sol qalpynda qaldy, ıaǵnı ósken joq», - dedi B. Aqsholaqov Ortalyq komýnıkasıalar qyzmetindegi baspasóz máslıhatynda.
Bólshek saýdadaǵy janarmaı baǵasyn kóterý qajet. Onyń ishinde AI-92 men AI-92 markaly benzınge baǵany lıtrine 182-187 teńgeden 200 teńgege qylý. Ósimi 11 paıyz.
Dızel otynynyń baǵasyn lıtrine 295 teńgege, ósim 20 paıyz. Qazir óńirge baılanysty baǵa 230-260 teńgege deıin bolyp tur.
«Osy buıryqtyń jobasyn búgin jarıalaımyz», – dedi ol.