Búgin fýtboldan UEFA Chempıondar lıgasy toptyq kezeńiniń birinshi týry aıaqtaldy, dep habarlaıdy QazAqparat tilshisi.
Bul kúni A, B, C, D toptaryndaǵy komandalar ózara kezdesti.
S tobynda oıyn kórsetetin ıspanıalyq «Real Madrıd» óz alańynda Germanıanyń «Ýnıon Berlın» komandasyn qabyldaǵan edi.
Germanıalyq klýb bıyl óz tarıhynda tuńǵysh márte Chempıondar lıgasy toptyq kezeńinde baq synap otyr. Soǵan qaramastan azýly qarsylasyna laıyqty tótep bere bildi. Alań ıeleri tolassyz shabýylǵa kóńil bóldi. Dese de sońǵy mınýttarǵa deıin qarsylas qaqpasynan sańylaý taba almaı jatty.
Oıynnyń 94-mınýtynda Djýd Bellıngem soqqan jalǵyz gol «Real Madrıd» komandasyna jeńis alyp keldi.
Osylaısha ıspanıalyq komanda qarsylasynan 1:0 esebimen basym tústi.