Qaraǵandylyq tártip saqshylary jábirlenýshiniń esep-shotynan 6 mıllıonnan astam aqsha urlaǵan kúdiktini ustady, dep habarlaıdy almaty-akshamy.kz
Qaraǵandy qalalyq Polısıa basqarmasyna qarasty Ońtústik-SHyǵys polısıa bólimine 32 jastaǵy azamatshadan aryz tústi. Jábirlenýshi aryzynda ınternet-alaıaqtarynyń qurbany bolǵandyǵy týraly aıtty. Kúdikti jábirlenýshige habarlasyp, belgisiz bir saıtqa tirkelý arqyly tabys tabýǵa bolǵanyn aıtyp, jumys usynǵan. Arada bolǵan senimdi áńgimeden keıin, jábirlenýshi kúdiktiniń aıtqan sózine kelisken. Sóıtip, ol alaıaqqa óziniń jeke bas qujattary týraly aqparat jibergen. Barlyq aqparatty alǵan soń kúdikti jábirlenýshiniń esep-shotynan 6 mıllıonnan astam aqshany jymqyryp, jábirlenýshimen baılanysyn úzgen.
Krımınaldyq polısıa qyzmetkerlerimen qylmysty ashý boıynsha júrgizilgen keshendi is-sharalar barysynda osy iske qatysy bar degen kúdikpen 24 jastaǵy Qostanaı oblysynyń týmasy ustaldy. Ol qylmysy boıynsha moıyndaý kórsetpe belgilerin berdi. Qazirgi ýaqytta kúdiktige qatysty qylmystyq is qozǵalyp, onyń osyǵan uqsas basqada qylmystarǵa qatystylyǵy tekserilýde.
Máselen, osyǵan uqsas ınternet-alaıaqtyǵy. Qaraǵandy qalalyq Polısıa basqarmasyna qarasty Kırov polısıa bólimine 59 jastaǵy azamatsha aryzben shaǵymdandy. Jábirlenýshiniń sózinshe ol alaıaqtardyń is-áreketi týraly habardar bolǵan. Óz kezeginde alaıaqtyq jıilep ketkendigi týraly óziniń áriptesterine de túsindirme jumystaryn júrgizgen. Alaıda, ózi alaıaqtyń qurbany bolǵanyn sezbeı qalǵan.
Jábirlenýshige belgisiz bireý habarlasyp, ózin bank qyzmetkerimin dep tanystyrǵan. Habarlasqan adam, jábirlenýshige belgisiz bireý onyń atynan eki qarjy uıymynan nesıe rásimdep jatqanyn aıtqan. Belgisiz azamatpen aradaǵy telefon arqyly baılanys eki saǵatqa sozylǵan. Jábirlenýshi osy aralyqta psıhologıalyq turǵyda alaıaqtyń aıtqanyna senip, onyń barlyq aıtqan nusqamasyn jasaǵanyn aıtty. Kelesi kúni ol, óziniń esep-shotynan belgisiz bireýdiń 4,5 mıllıon teńge aqshasyn sheship alǵanyn bilgen.
-Bul derek boıynsha qylmystyq kodekstiń alaıaqtyq babymen qylmystyq is qozǵaldy. Qala jáne oblys turǵyndaryna egerde belgisiz bireýler qońyraý shalyp, jeńil jolmen aqsha tabýdy usynsa, ne bolmasa ózderin bank qyzmetkerlerimiz dep tanystyryp, qarjyǵa baılanysty usynys jasasa birden telefon tutqasyn qoıýdy eskertemin. Árqashan saqtyq tanytyp, jeke bas qujattaryńyzdy eshkimge bermeńizder,-dedi Qaraǵandy oblystyq Polısıa departamenti bastyǵynyń orynbasary Ábil Ábildın.
Qaraǵandy oblysynyń PD baspasóz qyzmeti