Tanymal qazaqstandyq oryndaýshylar Eńlik, Mıras Júginisov jáne ZAQ inDrive.Mejgorod jobasymen birlese otyryp, Qazaqstan tarıhyndaǵy eń uzaq saıferdi jazyp, 35 mınýttyq trekke 250-den astam qatysýshyny biriktirdi, dep habarlaıdy aqshamnews.kz El.kz aqparat agenttigine silteme jasap.
Joba jańadan bastaǵan ártisterge úlken sahnada ózderin kórsetýge múmkindik berip, Qazaqstan mádenıetiniń kóptúrliligi men birligin beıneleıtin biregeı mýzykalyq shyǵarma jasady. Saıfer – hıp-hop mádenıetinde birneshe ártis bir bıtke kezek-kezek óz kýpletterin oryndaıtyn ujymdyq oryndaý túri. inDrive.Mejgorod jobasy aıasynda saıfer aýqymdy sıpatqa ıe bolyp, Qazaqstannyń túkpir-túkpirinen júzdegen oryndaýshyny bir trekke biriktirdi.
Joba 17 shildede qazaqstandyq tanymal oryndaýshylar Eńlik, Mıras Júginisov jáne ZAQ-pen birge bastaldy. Joba aıasynda kez kelgen adam qatysa alatyn chellendj jarıalandy. Ol úshin árkim óz qalasy týraly avtorlyq kýpletti kez kelgen tilde jazyp, TikTok-qa úsh oryndaýshynyń birimen dýet retinde #inDriveCypher heshtegimen júkteý kerek boldy. Nátıjesinde 250-den astam adam jobaǵa qatysyp, el tarıhyndaǵy eń uzaq saıferdiń 35 mınýttyq treginiń avtorlary atandy.
Tamyzdyń sońynda joba uıymdastyrýshylary úsh jeńimpazdy tańdady, olar: Saparhan Perdebaı (Sapar), Aıdyn Temirbekova (ATEM) jáne Suńqar Aıdynuly (Aqsunkar). Jeńimpazdar syılyq retinde ZAQ, Eńlik jáne Mıras Júginisovpen birge trektiń tolyq nusqasyn jazyp, beınebaıanǵa túsip shyqty. «JOL» tregi qazaq tilinen aýdarǵanda jol degendi bildiredi. Bul án úıge, bastaýlarǵa oralý týraly, ár adam úshin mańyzdy nárseler týraly. Onyń kómegimen avtorlar kópshilikke tanys týǵan jerge oralýdyń jyly sezimin jetkizgisi keldi. Sondaı-aq ár adamnyń ózindik erekshe joly bar ekenin, durys tańdaý jasap, ishki tynyshtyq pen senimdilikti saqtaýdyń mańyzdy ekenin eske salǵysy keldi.
Joba jeńimpazy Saparhan Perdebaı:
Men tańǵalyp, bul jaǵdaıǵa senbedim, óıtkeni men reppen aınalysqanyma nebári úsh aı boldy. Maǵan kollaborasıa týraly habarlaǵan kezde qýanyshtan esimnen tanyp qala jazdadym, – dep óz áserin bólisti.
inDrive.Mejgorod jahandyq marketıńiniń jetekshisi Valentına Kýlıkova kompanıanyń árqashan ınovasıalarǵa jáne shyǵarmashylyq bastamalardy qoldaýǵa umtylatynyn atap ótti.
«Eń uzaq saıfer» jobasy – bul tek mýzykalyq eksperıment qana emes, ol búkil Qazaqstannan talantty adamdardy biriktirip, olarǵa ózin-ózi kórsetýge arnalǵan platforma usyný múmkindigi. Biz óz kompanıamyzdyń rýhyn jáne eldiń mádenı ártúrliligin beıneleıtin biregeı nárseni jasaǵanymyzǵa maqtanamyz, - dedi Kýlıkova.
Bul kútpegen jáne biregeı joba boldy. Ózi isin shyn súıetin adamdarmen jumys istegenime qýanyshtymyn! – deıdi qazaqstandyq ánshi Eńlik.
Beınebaıannyń sońǵy nusqasy jaqynda kórýge qoljetimdi bolady, al qazir jobanyń qysqa nusqasyn YouTube-ten kórýge bolady.