Qazaqstan Jazýshylar odaǵynyń hatshysy, qazaqtyń qabyrǵaly, talantty jazýshysy Jumabaı Shashtaıuly qasıetti ramazan aıynda dúnıeden ótti, dep habarlaıdy almaty-akshamy.kz.
-Dúnıeden Qazaq maqtanysh etetin, Júsipbek Aımaýytulynsha óz zamanyn tanytyp ketken, Jazýshy degen abyroıǵa ıe bolǵan myqty Qazaq ótti. Jumekeń óz kórkem shyǵarmalarymen bizge de, bizden keıingilerge de Qazaq degen jurttyń aqylyn, márttigi men adamdyǵyn, namysy men abyroıyn amanattap ketti. Keıipkerleri ózi sıaqty qarapaıym Qazaq, óz aýylynyń zamandastary edi. Aǵamdaı bolǵan Dos edi. Jumekeńdi álpeshtep, baýyryndaı syılap, qurmettep ótken jaryna kóńil aıtamyn, dep jazdy ádebıettanýshy, ǵalym Aıgúl İsimaqova áleýmettik paraqshasynda
Qasıetti Ramazan aıy Alla Taǵala Jánnatyq etsin.