Qazaq mádenıeti men etnografıasynyń kórnekti zertteýshisi, jazýshy, pýblısıs Bolat Bopaı ómirden ótti, dep habarlaıdy aqshamnews.kz
Bolat Bopaı – ulttyq murany nasıhattaýda, qazaqtyń salt-dástúri men turmys-tirshiligin zertteýde ólsheýsiz úles qosqan tulǵa. Ol ómiriniń kóp bóligin qazaq etnografıasyn zertteýge, kóne dástúrlerdi qaıta jańǵyrtýǵa arnap, ult rýhanıaty úshin talmaı eńbek etti.
Jazýshynyń eńbekteri halyqtyń mádenıetin, turmys-saltyn, kóshpeli órkenıettiń erekshelikterin tereńnen tanystyryp, óskeleń urpaqqa tarıhı tanym berýdi maqsat etti. Ol óziniń zertteýleri arqyly ata-babamyzdyń ómir súrý saltyn, ulttyq kıim, taǵam mádenıeti, turmystyq zattar men qolóner erekshelikterin qaıta jandandyrýǵa tyrysty.
Bolat Bopaıdyń shyǵarmalary men maqalalary oqyrmanǵa qazaq halqynyń ulttyq bolmysyn tereń túsinýge múmkindik berdi. Onyń eńbekteri kóptegen zertteýshiler men etnograftar úshin qundy derekkózge aınaldy.
Bolat Bopaıuly 1960 jylǵy 1 qańtarda QHR Shyńjań ólkesine qarasty Altaı aımaǵynyń Kóktoǵaı aýdanynda dúnıege kelgen.
1967-1977 jyldary Kóktoǵaı aýdanynda qazaq tilinde bastaýysh, ortaý jáne orta mektepterde oqydy.
1978 -1081 jyldary Shynjań «Dene tárbıe sańlaǵy» Jýrnalynda jaýapty redaktor bolyp qyzmet atqardy.
1982-1986 jyldary Kúıtin qalasyndaǵy İle pedagogıkalyq Instıtýtynyń Qazaq tili men Ádebıeti Fakúltetinde oqyp, bilim tolyqtyrdy.
1986-1992 jyldary Úrimji qalalyq 36-orta mektepte Qazaq tili men Ádeıetinen sabaq berip, Oqytýshylyq mindet atqardy. Ádebıet bóliminiń meńgerýshilik mindetin qosa ótedi.
1993-1994 jyldary Shynjań jastar-órender baspasynda qazaq redaksıasynyń bólim meńgerýshisi "Ǵylym bulaǵy" jýrnalynyń jaýapty redaktory boldy.
1995-1998 jyldary QR Almaty qalasyndaǵy KAZMÝ dyń Qazaq ádebıeti men tevorásy fakýltetinde Aspırant bolyp oqydy.
1999-2004 jyldyry Qazaq radıosy shalqar baǵdarlamasynda redaqtorlyq mindet ótedi.
2005-2012 jylǵa deıin jeke shyǵarmashylyqpen shuǵyldandy.
2013-2018 jyldary Qazaqstan telearnasynyń "Aıtýǵa Ońaı" tokshoýynyń bas keńesshilik mindetin atqara júrip, senarıin jazdy.
2019-2020 jyldary Almaty qalalyq lıseıinde qazaq ádebıetinen sabaq berdi.
Bolat Bopaıuly 11 jasynda qolyna qalam alyp shyǵarmalar jaza bastady.
Shyǵarmashylyǵy:
«Sóz saralaý óneri» atty ǵylymı-zertteý kitaby (1995)
«Aqyt aqıqaty» atty monografıalyq eńbegi (2000)
«Qazaq kádeleri» (2000)
«Asyl qazyna» (2002)
«Qazaq kádeleri» (2003)
«Qazaqtyń alǵystary men qarǵystary» (2003)
Bolat Bopaıuy Qazaqstan Jazýshylar odaǵynyń, Qazaqstan Jýrnalıser odaǵynyń múshesi, Qazaq ulttyq salt-dástúr, ádet-ǵuryp akedemıasynyń akedemıgi.
Marqumnyń otbasy men týǵan-týystaryna, barsha qazaq rýhanıatyna kóńil aıtamyz.
Marqumnyń jany jánnatta, topyraǵy torqa bolsyn!