Belgıa astanasy Brússelde klımattyń ózgerýine qarsy sherý ótti.
Polısıanyń málimetinshe, sharaǵa 20 myńnan astam adam qatysqan. Ekologıalyq uıymdar narazylyq aksıasyn klımattyń ózgerýi jónindegi BUU-nyń Dýbaıda ótip jatqan konferensıasyna baılanysty uıymdastyrdy. Eldiń túkpir-túkpirinen jınalǵan jurt jahan kóshbasshylarynan ǵalamdyq jylynýdy toqtatýǵa qatysty naqty sharalar qabyldaýdy talap etti, dep habarlaıdy Almaty-akshamy.kz
«Ǵalamdyq jylyný sý tasqynyna ákele me dep qorqamyn. Dýbaıdaǵy sharaǵa jınalǵan álem kóshbasshylary klımattyń ózgerýine qarsy moıyndaryna alǵan mindetemmelerin oryndaýy tıis», - dedi sherýge qatysýshy Agnessa Perı.
«Biz bıliktegilerden qysta tońbaıtyndaı úılerimizdi jaqsylap qaptaýdy, qoǵamdyq kólikterdi jetildirýdi, qorshaǵan ortany lastaýdy azaıtyp, aýany tazartýǵa basymdyq berýdi talap etemiz», - deıdi klımattyq koalısıanyń prezıdenti Nıkolas Van Nýfel.