Almatyda 21 jeltoqsan kúni tuńǵysh ret dzúdodan erler arasyndaǵy halyqaralyq komandalyq «Jenys Cup» týrnıri ótedi.
Komandalyq týrnır 66kg, 73kg, 81kg, -90kg, +90kg salmaq dárejelerindegi erler arasynda ótedi. Búgingi kúnge deıin jarysqa Qazaqstan, Túrkıa, Fransıa, Reseı, Belarýs, Ózbekstan, Tájikstan, Qyrǵyzstan, Grýzıa, Ispanıa elderinen 17 klýb tirkelgen. Jarys erejesi boıynsha ár salmaq dárejesinde komandalar bir-birimen aınalmaly júıe boıynsha kezdesedi, dep habarlaıdy Almaty-akshamy.kz.
Qatysýshylardyń qatarynda Olımpıada júldegerleri Gýram Týshýshvılı (Grýzıa), álem jáne Azıa chempıondary Lýka Maısýradze (Grýzıa), Shalva Gýreshıdze (Grýzıa), Somon Mahmadbekov (Tájikstan), Basqý Iondonperenleın (Mońǵolıa) jáne álemdik Grand Slam, halyqaralyq dárejedegi týrnırlerdiń jeńimpazdary men júldegerleri Odhúgıın Sesensensengel (Mońǵolıa), Iakýb Shamılov (Reseı), Aıbek Serikbaev (Qazaqstan), Shahram Ahadov (Ózbekstan), Kýbanychbek Aıbekýýlý (Qyrǵyzstan), Hodjazoda Behrýz (Tájikstan), Karamat Gýseınov (Ázirbaıjan) bar.
«Jenys Cup» týrnıriniń jalpy júlde qory 100 myń AQSH dollaryn quraıdy: 1 oryn - 30 myń AQSH dollary, 2 oryn - 20 myń AQSH dollary, eki 3 oryn árqaısysy 10 myń AQSH dollaryn syıaqy alady. Sonymen qatar jarys barysynda úzdik dzúdoshy, úzdik komandalyq sportshy anyqtalyp, arnaıy qarjylaı syılyqtar tabystalatyn bolady.
Jarys 21 jeltoqsan kúni saǵat 9:00-de bastalady.