Maqsatym til úırenip, Qazaqstanǵa taǵy bir saparlaý.
Bul Belgıa azamaty Steın Romboýttyń armany. Ol osydan alty jyl buryn bizdiń elge kelip, saıyn dala men tumsa tabıǵatqa ǵashyq bolǵan. Qazir ol ınternet arqyly qazaq tilin úırenip júr. Tipti esimin de qazaqshalap alypty, dep habarlaıdy Almaty-akshamy.kz 24.kz-ke silteme jasap.
Birneshe jyl buryn orta mektep oqýshy bolyp júrgen belgıalyq Steın Romboýt Qazaqstannyń ońtústigine týrıs retinde saparǵa barady. Jerimizge, elimizge ǵashyq bolǵan ol, Belgıaǵa qaıtqan son qazaq tiliń ınternet arqyly, óz betimen oqı bastaıdy. Búgin Steın sol eldiń kóne ýnıversıtetteriniń biriniń magıstranty jáne birneshe tildi biletin polıglot. Onyń ishinde qazaq tili de bar.
Steın Romboýt, Ku Leuven ýnıversıtetiniń magıstranty: - Men alty jyl buryn Qazaqstanǵa týrıs retinde bardym. Almatyda boldym, Shymkent, Túrkistan, Taraz, jalpy Qazaqstannyń ońtústigin túgel araladym. Maǵan Almaty kóbirek unady. Men úshin qazaq tili óte ádemi til. Maǵan Ortalyq Azıanyń ishinde Qazaqstan janyma jaqyn boldy. Sondyqtan qazaq tilin úırenemin dep sheshtim.
Steınniń qazaqsha de esimi bar – bizshe Syrym. Atyn belgili qazaq batyry Syrym Datulynyń qurmetine tańdaǵan. Qazir ol Qazaqstannyń tarıhy men mádenıetin teren zertteýde.
Steın Romboýt, Ku Leuven ýnıversıtetiniń magıstranty: - Maǵan qazaq halqy óte unaıdy. Basqa eldermen salystarǵanda, qazaqtar qonaqjaı keledi. Mundaǵy adamdar olardaı qonaqjaı emes. Sondaı-aq qazaqtyń tamaǵy óte dámdi. Men beshparmaq jedim, quyrdaq, baýyrsaq.
Steın, ıaǵnı Syrymnyń qazaqtarǵa aıtar alǵysy zor. Ol bizdiń elge taǵy kelip, qazaq tilin tereńdetip oqýdy josparlap júr.
Steın Romboýt, Ku Leuven ýnıversıtetiniń magıstranty: - Men qazaqtarǵa kóp raqmet aıtqym keledi. Óıtkeni men Qazaqstanda boldym, jaqsylyq kórdim. Qazaqstannyń bolashaǵy zor bolady dep úmittenemin.
Janat Ernst, tilshi: - Aldaǵy kúnderi Steın Romboýt Qytaıǵa jol júredi. Maqsaty bilim alý, eline paıda ákelý. Oqyp júrip shetel aralasam degen de armany bar. Onyń ishinde Qazaqstandy kórý aldyńǵy orynda tur.