QR Ǵylym jáne joǵary bilim mınıstri Saıasat Nurbektiń qatysýymen Almatyda «Jastar Apartments» jańa zamanaýı jataqhana ashyldy, dep habarlaıdy Almaty-akshamy.kz
Bul jańa jataqhanaǵa Almaty qalasyndaǵy joǵary oqý oryndarynyń jataqhanaǵa muqtaj bilim alýshy jastary ornalastyrylady.
Búgin Memleket basshysy Qasym-Jomart Toqaevtyń jataqhana tapshylyǵyn joıý boıynsha berilgen tapsyrmasyn júzege asyrý maqsatynda 300 oryndyq jańa jataqhana stýdentter úshin paıdalanýǵa berilip otyr.
Jataqhananyń ashylý saltanatyna Parlament Májilisiniń depýtaty Elnur Beısenbaev, qala ákimdiginiń ókilderi, joǵary oqý oryndarynyń basshylary, ǵalymdary men profesor-oqytýshylar quramy qatysty.
“Elimizde jataqhana máselesi óte ózekti. Almaty qalasynda jataqhana tapshylyǵy joǵary. Osy másele boıynsha biz eki baǵyt boıynsha jumys istep jatyrmyz. Birinshisi jeke menshik hosteldermen jáne qonaq úılermen kelisimshartqa qol qoıyldy. Osy kelisim arqyly qosymsha 10 000-nan astam tósek-oryn tabylyp otyr. Búginde qalada jer tapshylyǵy bar. Sondyqtan ekinshi baǵyt ol qaıta jóndeý jumysy. Iaǵnı bıznesi quldyrap ketken akademıalyq nemese jeke menshik ǵımarattarynda biz qaıta jóndeý jumystaryn júrgizip, jataqhana retinde qaıta jasaqtap jatyrmyz. Búgingi jataqhana osy ekinshi baǵyt boıynsha ashylyp otyr”, - dedi Saıasat Nurbek.
Ǵımaratta qaıta jóndeý jumystary 2023 jyldyń birinshi jartysynda bastalǵan bolatyn. Jataqhananyń ishki sáýleti sheteldik kóshbasshy ýnıversıtetterdiń dızaıny negizinde jasaldy. Nysan tıisti talaptarǵa tolyq sáıkes keledi. Tórt qabattan turatyn jataqhanada asqana, demalys bólmeleri, kir jýýǵa jáne keptirýge arnalǵan turmystyq bólme, ár qabatta óz as úıi men oqý zaldary qarastyrylǵan. Sondaı-aq ár seksıaǵa tońaztqysh, zamanaýı dýsh kabınalary men jańadan jıhazdar qoıylǵan. Qaýipsizdikti qamtamasyz etý úshin beınebaqylaý júıesi ornatylǵan.